ഐഐടികളിലെ ഫീസ് ഇരട്ടിയിലധികമാക്കി

ന്യൂ‍ഡൽഹി: രാജ്യത്തെ ഐഐടികളിലെ (ഇന്ത്യൻ ഇന്‍സ്റ്റിറ്റ്യൂട്ട് ഓഫ് ടെക്നോളജി) ഫീസ് ഇരട്ടിയിൽ അധികമായി വർധിപ്പിച്ചു. 90,000 രൂപ ആയിരുന്നത് രണ്ട് ലക്ഷമാക്കിയാണ് വർധിപ്പിച്ചിരിക്കുന്നത്. അടുത്ത അധ്യയന വർഷം മുതൽ പുതുക്കിയ ഫീസ് ഈടാക്കും. അതേസമയം, കുറഞ്ഞ വരുമാനമുള്ള കുടുംബത്തിൽ നിന്നു വരുന്ന വിദ്യാർഥികൾക്ക് ഫീസിളവും ഉണ്ടാകും.

ഫീസ് വർധിപ്പിക്കാനുള്ള ശുപാർശ ഐ.ഐ.ടി പാനൽ കഴിഞ്ഞ മാസം അംഗീകരിച്ചിരുന്നു. ഐ.ഐ.ടി കൗൺസിൽ ഫീസ് മൂന്നു ലക്ഷമാക്കണമെന്നായിരുന്നു ശുപാർശ നൽകിയിരുന്നത്. വാർഷിക വരുമാനം ഒരുലക്ഷം രൂപയിൽ താഴെയുള്ള പട്ടികജാതി, പട്ടികവർഗ, ദളിത് കുടുംബങ്ങളിലെയും അംഗപരിമിതർക്കും ഫീസിൽ പൂർണ ഇളവ് അനുവദിക്കും. അഞ്ച് ലക്ഷത്തിൽ താഴെ വാർഷിക വരുമാനമുള്ളവർക്ക് 66% ഫീസ് ഇളവ് നൽകും.