JNU Admission Last Date: ഉടൻ അപേക്ഷിക്കാം

ന്യൂഡല്‍ഹി: ജവഹര്‍ലാല്‍ നെഹ്‍റു യൂണിവേഴ്‍സിറ്റി (ജെഎൻയു)യില്‍ വിവിധ യുജി, പിജി, പ്രോഗ്രാമുകളിലേക്കുള്ള പ്രവേശന പരീക്ഷയ്ക്ക് അപേക്ഷ ക്ഷണിച്ചു. ഏപ്രില്‍ 15 വരെ ഓൺലൈനായി അപേക്ഷ സമര്‍പ്പിക്കാം. ഫീസടയ്ക്കാനുള്ള അവസന തീയതി ഏപ്രില്‍ 16 ആണ്.

വിവിധ സ്കൂൾസ് ഓഫ് സ്റ്റഡികളിലേക്കുള്ള എംഎ, എംഎസ്‍സി, എംടെക്. എംപിഎച്ച്, എംഫിൽ, പിഎച്ച്‍ഡി, ബിഎ ഓണേഴ്സ്, ഡിപ്ലോമ, സര്‍ട്ടിഫിക്കറ്റ് കോഴ്സുകൾ എന്നിവയിലേക്കുള്ള പ്രവേശനമാണ് ഇത്തരത്തില്‍ നടക്കുക.

ഇതൊടൊപ്പം തന്നെ സിആആബി പരീക്ഷയ്ക്കുള്ള അപേക്ഷയും ക്ഷണിച്ചിട്ടുണ്ട്. 54 സര്‍വകലാശാലകളിലെ ബയോടെക്നോളജി മാസ്റ്റേഴ്സ് പ്രോഗ്രാമുകളിലേക്കുള്ള പ്രവേശന പരീക്ഷയാണിത് ( കമ്പയിൻഡ് എൻട്രൻസ് എക്സാമിനേഷൻ ഇൻ ബയോടെക്‍നോളജി).

54 സര്‍വകലാശാലകളിലെ എംഎസ്‍സി ബയോടെക്‍നോളജി, എംഎസ്‍സി അഗ്രിക്കൾച്ചറല്‍ ബയോടെക്‍നോളജി, എംടെക് ബയോടെക്‍നോളജി, എംവിഎസ്‍സി കോഴ്സുകളിലേക്കുള്ള പ്രവേശനമാണ് ഇതിലൂടെ നടക്കുന്നത്.

ലാംഗ്വേജ് ലിറ്ററേച്ചര്‍ ആന്‍ഡ് കൾച്ചറല്‍ സ്റ്റഡീസ്, ഇൻ്റര്‍നാഷണല്‍ സ്റ്റഡീസ്, സോഷ്യല്‍ സന്‍സസ്, ലൈഫ് സയന്‍സസ്, കമ്പ്യൂട്ടര്‍ ആന്‍ഡ് സിസ്റ്റംസ് സയൻസസ്, എൺവോൺമെൻ്റല്‍ സയൻസസ്, ഫിസിക്കല്‍ സയൻസസ്, കംപ്യൂട്ടേഷണല്‍ ആന്‍ഡ് ഇന്‍റഗ്രേറ്റീവ് സയൻസസ്, ആര്‍ട്സ് ആന്‍റ് ഏസ്തെറ്റിക്സ്, ബയോടെക്നോളജി, സാൻസ്ക്രിറ്റ് ഇൻ ഇൻഡിക് സ്റ്റഡീസ് എന്നീ സ്കൂളുകളും സ്റ്റഡി ഓഫ് നോര്‍ത്ത് ഏഷ്യ, മോളിക്യുലാര്‍ മെഡിസിന്‍, ഡിസാസ്റ്റര്‍ റിസര്‍ച്ച് എന്നീ സ്പെഷ്യല്‍ സ്കൂളുകളും ലോ ആന്‍ഡ് ഗവര്‍ണന്‍സ്, നാനോ സയന്‍സസ് എന്നീ സ്കൂളുകളുമാണ് ഈ പ്രവേശന പരീക്ഷയിലൂടെ വിദ്യാര്‍ത്ഥികളെ തെരഞ്ഞെടുക്കുന്നത്.

കേരളത്തില്‍ ആലപ്പുഴ, തിരുവനന്തപുരം,എറണാകുളം, കണ്ണൂര്‍, കാസര്‍കോ‍ട്, കൊല്ലം, കോഴിക്കോട് എന്നിവിടങ്ങളില്‍ പരീക്ഷാ കേന്ദ്രങ്ങളുണ്ട്.

വിശദ വിവരങ്ങൾക്ക് https://ntajnu.nic.in സന്ദര്‍ശിക്കുക.