എയര്‍ ഇന്ത്യയിൽ 259 ഒഴിവുകളിലേക്ക് അപേക്ഷ ക്ഷണിച്ചു

എയര്‍ ഇന്ത്യ 259 ഒഴിവുകളിലേക്ക് അപേക്ഷ ക്ഷണിച്ചു. സര്‍വിസ് ലിമിറ്റഡില്‍ കസ്റ്റമര്‍ ഏജന്‍റ്, ഹാന്‍ഡിമാന്‍ തസ്തികയിലാണ് ഒഴിവുകൾ. കസ്റ്റമര്‍ ഏജന്‍റ് (30), ഹാന്‍ഡിമാന്‍ (229) എന്നിങ്ങനെയാണ് ഒഴിവുകള്‍. കൊല്‍ക്കത്തയിലായിരിക്കും നിയമനം. മൂന്നു വര്‍ഷത്തേക്ക് കരാര്‍ നിയമനമാണ്..

യോഗ്യത: ബിരുദം. അടിസ്ഥാന കമ്പ്യൂട്ടര്‍ പരിജ്ഞാനമുണ്ടായിരിക്കണം.എയര്‍ലൈന്‍ ടിക്കറ്റിങ്, റിസര്‍വേഷന്‍, കാര്‍ഗോ ഹാന്‍ഡിലിങ്, എയര്‍ലൈന്‍ ട്രാവല്‍ ഏജന്‍സി എന്നിവിടങ്ങളില്‍ ഏതിലെങ്കിലും ആറു മാസത്തെ പരിചയം ആവശ്യം. ഇംഗ്ളീഷില്‍ മികച്ച ആശയവിനിമയശേഷിയുണ്ടായിരിക്കണം. 14,610 രൂപയാണ് ആദ്യ ശമ്പളം.

ഹാന്‍ഡിമാന്‍ തസ്തികയില്‍ അപേക്ഷിക്കുന്നവര്‍ക്ക് എസ്.എസ്.എല്‍.സി/ തത്തുല്യമാണ് യോഗ്യത.

ഏതെങ്കിലും സ്ഥാപനത്തില്‍ ലോഡിങ്/ അണ്‍ലോഡിങ് മേഖലയില്‍ ഒരു വര്‍ഷത്തെ പരിചയംആവശ്യമാണ്. ഇംഗ്ളീഷ് ഭാഷ വായിക്കാനും മനസ്സിലാക്കാനും കഴിയണം. ഉയരം-160 സെ.മീ കുറയരുത്, 11,040 രൂപയാണ് ആദ്യ ശമ്പളം.