എന്‍ജിനീയറിങ് എൻട്രൻസ്; റാം ഗണേഷിന് ഒന്നാം റാങ്ക്

തിരുവനന്തപുരം: സംസ്ഥാനത്തെ എഞ്ചിനിയറിങ് റാങ്ക് പട്ടിക വിദ്യാഭ്യാസ മന്ത്രി സി രവീന്ദ്രനാഥ് പ്രഖ്യാപിച്ചു. എറണാകുളം ജില്ലയിലെ തൃപ്പൂണിത്തുറ സ്വദേശി റാം ഗണേഷ് വി ശ്രീഹരിറാമിനാണ് എന്‍ജിനീയറിങ് വിഭാഗത്തില്‍ ഒന്നാം റാങ്ക്. തിരുവല്ലയിലെ അക്ഷയ് ആനന്ദ് രണ്ടാം റാങ്കും തിരുവനന്തപുരത്തുനിന്നുള്ള അശ്വിന്‍ എസ് നായര്‍ മൂന്നാം റാങ്കും നേടി. മൂന്നുമുതല്‍ പത്തുവരെയുളള റാങ്ക് ജേതാക്കളുടെ പേരും ജില്ലയും ചുവടെ കൊടുക്കുന്നു.



4. ശ്രീജിത്ത് എസ് തിരുവല്ല
5. അതുല്‍ ഗംഗാധരന്‍ കണ്ണൂര്‍
6. മുഹമ്മദ് അബ്ദുല്‍ മജീദ് കോഴിക്കോട്
7. ജോര്‍ജി ജോസ് എറണാകുളം
8. റാം കേശവ് മലപ്പുറം
9. ഋതേഷ് കുമാര്‍ കൊച്ചി
10. റോഷിന്‍ റാഫേല്‍ കോഴിക്കോട്



പട്ടികജാതി വിഭാഗത്തില്‍ മലപ്പുറത്ത് നിന്നുളള ഷിബുസിന് ഒന്നാംറാങ്കും, തൃശൂര്‍ സ്വദേശി ഋഷികേശിന് രണ്ടാംറാങ്കും ലഭിച്ചു. പട്ടികവര്‍ഗ വിഭാഗത്തില്‍ കോട്ടയം സ്വദേശി എസ്. ആദര്‍ശിനാണ് ഒന്നാംറാങ്ക്. ആര്‍കിടെക്റ്റ് പരീക്ഷാഫലത്തില്‍ കോഴിക്കോട് സ്വദേശികളായ നമിത നിജിക്ക് ഒന്നാംറാങ്കും നിശാന്ത് കൃഷ്ണക്ക് രണ്ടാംറാങ്കും ലഭിച്ചു.മഹ്‌സിന്‍ മുഹമ്ദ് അലി (മലപ്പുറം),അന്‍ഷാദ് സുബൈര്‍ (ഇടുക്കി), അലിന്‍ റീബ ജെയിന്‍ (കോട്ടയം) എന്നിവരാണ് മൂന്നും നാലും അഞ്ചും റാങ്കുകള്‍ കരസ്ഥമാക്കിയത്. പ്ലസ് ടു പരീക്ഷയുടെ സര്‍ട്ടിഫിക്കെറ്റുകള്‍ സമര്‍പ്പിക്കാത്തവരുടെ ഫലങ്ങള്‍ പ്രസിദ്ധപ്പെടുത്തിയിട്ടില്ലെന്നും വിദ്യാഭ്യാസ മന്ത്രി അറിയിച്ചു. ഇവര്‍ രേഖകള്‍ നല്‍കിയാലുടന്‍ ഫലം ലഭ്യമാകും.