തിരുവനന്തപുരം: സംസ്ഥാനത്ത് യൂത്ത് കോണ്ഗ്രസ് പ്രഖ്യാപിച്ച ഹര്ത്താലിനെ തുടര്ന്ന് ഇന്ന് നടത്താനിരുന്ന വിവിധ പരീക്ഷകള് മാറ്റിവച്ചു. ഇന്ന് ആരംഭിക്കാനിരുന്ന എസ്എസ്എൽസി മോഡൽ പരീക്ഷ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് അധികൃതര് അറിയിച്ചു. അതോടൊപ്പം ഒന്നാം വര്ഷ ഹയര് സെക്കൻഡറി മാതൃകാ പരീക്ഷകളും മാറ്റിവച്ചു.
കേരള സര്വ്വകലാശാല ഇന്ന് നടത്താനിരുന്ന എല്ലാ പരീക്ഷകളും മാറ്റിവച്ചതായി അറിയിച്ചു.
പെരിയയിൽ കാറിലെത്തിയ സംഘമാണ് യൂത്ത് കോൺഗ്രസ് പ്രവർത്തകരെ വെട്ടിക്കൊന്നത്. കല്ല്യോട്ട് സ്വദേശികളായ കൃപേഷ് (21), ശരത് ലാൽ (ജോഷി) എന്നിവരാണ് കൊല്ലപ്പെട്ടത്. കൊലപാതകത്തിനു പിന്നിൽ സിപിഎമ്മാണെന്ന് കോണ്ഗ്രസ് ആരോപിച്ചു. എന്നാൽ ഇത് നിഷേധിച്ച് സിപിഎം രംഗത്തുവന്നിട്ടുണ്ട്.