ഹയർ സെക്കൻഡറി തുല്യതാ പരീക്ഷ ഹാൾടിക്കറ്റ് നാളെ വിതരണം ചെയ്യും

തിരുവനന്തപുരം: സംസ്ഥാനത്തെ ഹയർ സെക്കൻഡറി തുല്യതാ പരീക്ഷയുടെ ഹാൾടിക്കറ്റ് നാളെ വിതരണം ചെയ്യും. ഒന്നാം വർഷ ഹയർസെക്കൻഡറി ഇംപ്രൂവ്‌മെന്റ്/സപ്ലിമെന്ററി തുല്യതാ പരീക്ഷയുടെ ഹാള്‍ടിക്കറ്റാണ് നാളെ വിതരണം ചെയ്യുന്നത്. ഹാൾടിക്കറ്റ് പരീക്ഷാർഥികൾക്ക് അവരവരുടെ രജിസ്‌ട്രേഷൻ കേന്ദ്രങ്ങളിൽ നിന്നും ജൂലൈ 11ന് വിതരണം ചെയ്യും.

ജൂലൈ 12,13,14 എന്നീ തിയതികളിൽ വിവിധ പരീക്ഷാ കേന്ദ്രങ്ങളിലായാണ് ഒന്നാം വർഷ ഹയർസെക്കൻഡറി ഇംപ്രൂവ്‌മെന്റ്/സപ്ലിമെന്ററി തുല്യതാ പരീക്ഷകള്‍ നടക്കുന്നത്. പരീക്ഷാർഥികൾ ഈ ദിവസം രജിസ്‌ട്രേഷൻ കേന്ദ്രങ്ങളിലെത്തി പ്രിൻസിപ്പൽമാരിൽ നിന്നും ഹാൾടിക്കറ്റ് വാങ്ങണം.