നിപ മുൻകരുതൽ: 16 വരെയുള്ള പിഎസ്‍‍സി പരീക്ഷകൾ മാറ്റി വച്ചു

കോഴിക്കോട്: നിപ വൈറസ് ബാധയുടെ പശ്ചാത്തലത്തില്‍ സംസ്ഥാനത്തെ ജൂൺ 16 വരെയുള്ള പിഎസ്‌സി പരീക്ഷകള്‍ മാറ്റി. മുന്‍കരുതലെന്ന നിലയിലാണ് പരീക്ഷ മാറ്റിവെച്ചത്.

എന്നാൽ, ഓണ്‍ലൈന്‍ പരീക്ഷകള്‍ കൃത്യ സമയത്ത് തന്നെ നടത്തും. അഭിമുഖങ്ങളും സൂക്ഷമ പരിശോധനയും മാറ്റിവയ്ക്കുന്ന കാര്യവും പിഎസ്‌സിയുടെ ആലോചനയിലുണ്ട്. നിപ വൈറസ് ബാധയുടെ രണ്ടാം ഘട്ടത്തിൽ കൂടുതൽ ഇടങ്ങളിലേക്ക് വ്യാപിച്ചേക്കുമെന്ന ആശങ്കയും അധികൃതർക്കുണ്ട്. അതിനാൽ, പരീക്ഷയുടെ പുതിയ തീയതികൾ ഇത് വരെ അറിയിച്ചിട്ടില്ല.