തിരുവനന്തപുരം: അധ്യാപക യോഗ്യതാ പരീക്ഷയായ കെ–ടെറ്റിൻ്റെ ഹാൾ ടിക്കറ്റുകൾ കേരള പരീക്ഷ ഭവൻ അവരുടെ വെബ്സൈറ്റിൽ പ്രസിദ്ധീകരിച്ചു. ലോവർ പ്രൈമറി വിഭാഗം, അപ്പർ പ്രൈമറി വിഭാഗം, ഹൈസ്കൂൾ വിഭാഗം, (ഭാഷാ–യുപി തലം വരെ/സ്പെഷൽ വിഷയങ്ങൾ–ഹൈസ്കൂൾതലം വരെ) അധ്യാപക യോഗ്യതാ പരീക്ഷയാണ് കെ–ടെറ്റ്.
പരീക്ഷയ്ക്ക് അപേക്ഷിച്ചവർക്ക് ഹാൾ ടിക്കറ്റുകൾ (keralapareekshabhavan.in and ktet.kerala.gov.in) ഓൺലൈൻ ആയി ഡൗൺലോഡ് ചെയ്യാവുന്നതാണ്. ഡിസംബർ 28, 30 തിയതികളിലാണ് ടെറ്റ് പരീക്ഷ.
ഡൗൺലോഡ് ചെയ്ത ഹാൾ ടിക്കറ്റുമായി വേണം പരീക്ഷാർത്ഥികൾ പരീക്ഷാകേന്ദ്രത്തിൽ എത്താൻ. പരീക്ഷാകേന്ദ്രം, സമയം എന്നിവ സംബന്ധിച്ച വിശദാംശങ്ങൾ അഡ്മിറ്റ് കാർഡിൽ ഉണ്ടായിരിക്കുന്നതാണ്.
ഹാൾ ടിക്കറ്റ് ഡൗൺലോഡ് ചെയ്യുന്ന സമയത്ത് ആപ്ലിക്കേഷൻ ഐ ഡി, ആപ്ലിക്കേഷൻ നമ്പർ എന്നിവ കൈവശം ഉണ്ടായിരിക്കണം.
ഹാൾ ടിക്കറ്റ് എങ്ങനെ ഡൗൺലോഡ് ചെയ്യാം,
1. കേരള പരീക്ഷാഭവൻ്റെ ഔദ്യോഗിക വെബ്സൈറ്റിൽ ഓപ്പൺ ചെയ്യുക
2. ഹോംപേജിൽ കാണുന്ന കേരള ടീച്ചർ എലിജിബിലിറ്റി ടെസ്റ്റ് എന്ന ലിങ്കിൽ ക്ലിക്ക് ചെയ്യുക.
3. അതിൽ ക്ലിക്ക് ചെയ്യുമ്പോൾ ktet.kerala.gov.in എന്ന പേജിലേക്ക് എത്തും.
4. 'ഡൗൺലോഡ് ഹാൾ ടിക്കറ്റ് ഫോർ കെടെറ്റ് 2017' എന്ന ലിങ്കിൽ ക്ലിക്ക് ചെയ്യുക
5. ഒരിക്കൽ ക്ലിക്ക് ചെയ്താൽ, ഒരു പുതിയ വിൻഡോ ഓപ്പൺ ആകും
6. ആപ്ലിക്കേഷൻ ഐഡി, ആപ്ലിക്കേഷൻ നമ്പർ എന്നിവ നൽകി സബ്മിറ്റ് ചെയ്യുക.
7. ഇപ്പോൾ നിങ്ങളുടെ അഡ്മിറ്റ് കാർഡ് സ്ക്രീനിൽ കാണാൻ സാധിക്കും. തുടർന്ന്, ഹാൾ ടിക്കറ്റ് ഡൗൺലോഡ് ചെയ്ത് പ്രിൻ്റ് എടുക്കുക.