എംജി സര്‍വ്വകലാശാല ഈ മാസത്തെ പരീക്ഷകള്‍ മാറ്റി

കോട്ടയം: മഹാത്മാ ഗാന്ധി സര്‍വ്വകലാശാല ഈ മാസം നടത്താനിരുന്ന പരീക്ഷകള്‍ മാറ്റിവെച്ചു. ഓഗസ്റ്റ് 29,30,31 തീയ്യതികളില്‍ നടത്താനിരുന്ന പരീക്ഷകളാണ് മാറ്റിവെച്ചിരിക്കുന്നത്. സര്‍വ്വകലാശാലാ അധികൃതരാണ് ഇക്കാര്യം അറിയിച്ചത്.

പ്രളയത്തിന് പിന്നാലെ ദുരിതാശ്വാസ പ്രവര്‍ത്തനങ്ങളില്‍ സജീവമായിരിക്കുകയാണ് വിദ്യാര്‍ഥികള്‍. ഇക്കാരണത്താലാണ് പരീക്ഷകള്‍ മാറ്റിവെക്കാന്‍ സര്‍വ്വകലാശാല തീരുമാനിച്ചത്. പുതുക്കിയ പരീക്ഷാ തീയതികള്‍ പിന്നീട് അറിയിക്കും.