അടുത്ത അധ്യയന വര്‍ഷം 8 മാസമായി ചുരുങ്ങുമെന്ന് കേന്ദ്രസര്‍ക്കാരിൻ്റെ വിലയിരുത്തൽ. ഇതിന് ആനുപാതികമായി പാഠ്യപദ്ധതി വെട്ടിച്ചുരുക്കിയേക്കും.

എൻസിഇആര്‍ടി പാഠ്യപദ്ധതിയാണ് വിവിധ സംസ്ഥാന പരീക്ഷാ ബോര്‍ഡുകളും കേന്ദ്ര സിലബസ് ബോര്‍ഡുകളും പിന്തുടരുന്നതെന്നും ആയതിനാൽ പാഠ്യപദ്ധതി ചുരുക്കുന്നത് എൻസിഇആര്‍ടി തീരുമാനിക്കണമെന്നും സംസ്ഥാനങ്ങൾ ആവശ്യപ്പെട്ടു. എൻസിഇആര്‍ടിയുടെ പൊതുനിര്‍ദേശത്തിൻ്റെ അടിസ്ഥാനത്തിൽ അതത് സംസ്ഥാന ബോര്‍ഡുകളായിരിക്കും പാഠ്യപദ്ധതി വെട്ടിക്കുറക്കുന്നത്.

അതേസമയം, മൂല്യനിര്‍ണയം നീട്ടിവെക്കരുതെന്നാണ് കേന്ദ്രസര്‍ക്കാരിൻ്റെ നിര്‍ദേശം. കഴിഞ്ഞ പരീക്ഷകളുടെ മൂല്യനിര്‍ണയം നടത്താൻ അധ്യാപകരുടെ വീട്ടിലേക്ക് ഉത്തരപേപ്പര്‍ നൽകുന്ന കാര്യം സംസ്ഥാന പൊതുവിദ്യാഭ്യാസ വകുപ്പ് പരിഗണിക്കുന്നുണ്ട്. ക്യാമ്പുകളുടെ എണ്ണം വര്‍ധിപ്പിച്ച് മൂല്യനിര്‍ണയം നടത്താനും ആലോചിക്കുന്നുണ്ട്. അതേസമയം, 2019-2020 അധ്യയന വര്‍ഷത്തെ പുതുക്കിയ അക്കാദമിക് കലണ്ടര്‍ പുറത്തിറക്കി ഡൽഹി സര്‍വകലാശാല. പുതുക്കിയ അക്കാദമിക് കലണ്ടര്‍ അനുസരിച്ച് ഏപ്രിൽ 28ന് അവസാനിപ്പിക്കാനിരുന്ന 2, 4, 6 സെമസ്റ്ററുകളുടെ ക്ലാസുകൾ മേയ് 15ലേക്ക് മാറ്റി.

വിദ്യാര്‍ഥികൾക്കായി ഇതാ ഒരു അന്താരാഷ്ട്ര മത്സരം