സി.എ ഫൗണ്ടേഷൻ ജൂൺ പരീക്ഷയ്ക്കായുള്ള രജിസ്ട്രേഷൻ ആരംഭിച്ചു

സി.എ ഫൗണ്ടേഷൻ ജൂൺ പരീക്ഷയ്ക്കായുള്ള രജിസ്ട്രേഷൻ ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ട്സ് ഓഫ് ഇന്ത്യ (ICAI) ആരംഭിച്ചു. ഏപ്രിൽ 20 മുതലാണ് രജിസ്ട്രേഷൻ ആരംഭിച്ചിട്ടുള്ളത്. ഫൗണ്ടേഷൻ കോഴ്സ് പരീക്ഷയ്ക്കായി അപേക്ഷിക്കാൻ ആഗ്രഹിക്കുന്നവർക്ക് ഔദ്യോഗിക വെബ്സൈറ്റായ icaiexam.icai.org സന്ദർശിച്ച് അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി മേയ് 4 ആണ്. മേയ് 7 വരെ പിഴയോടുകൂടി ഫീസടയ്ക്കാൻ അവസരമുണ്ട്. 2021 ജൂൺ 24നാണ് പരീക്ഷ ആരംഭിക്കുന്നത്. ജൂൺ 30 വരെ പരീക്ഷയുണ്ടാകും. സി.എ ഫൗണ്ടേഷൻ പേപ്പർ 1, പേപ്പർ 2 പരീക്ഷകൾ ഉച്ചയ്ക്ക് 2 മുതൽ വൈകുന്നേരം 5 വരെയും പേപ്പർ 3, പേപ്പർ 4 പരീക്ഷകൾ ഉച്ചയ്ക്ക് 2 മുതൽ വൈകുന്നേരം 4 വരെയും നടക്കും. അപേക്ഷിക്കാനായി ഔദ്യോഗിക വെബ്സൈറ്റ് സന്ദർശിക്കുക. ഹോം പേജിൽ കാണുന്ന ലോഗിൻ ലിങ്കിൽ ക്ലിക്ക് ചെയ്യാം. ലോഗിൻ വിവരങ്ങൾ നൽകിയതിന് ശേഷം സബ്മിറ്റ് നൽകാം. അപേക്ഷാ ഫോം പുരിപ്പിച്ചതിന് ശേഷം അപേക്ഷാ ഫീസ് ഓൺലനായി അടയ്ക്കുക. ഇതിന് ശേഷം സബ്മിറ്റിൽ ക്ലിക്ക് ചെയ്യാം. കൺഫർമേഷൻ പേജ് ഡൗൺലോഡ് ചെയ്തതിന് ശേഷം പ്രിന്റെടുത്ത് സൂക്ഷിക്കുക.

ഇന്ത്യൻ ഇൻസ്റ്റിറ്റ്യൂട്ട് ഓഫ് മാസ് കമ്മ്യൂണിക്കേഷൻ പ്രവേശന പരീക്ഷയുടെ തീയതി പ്രഖ്യാപിച്ചു
ഇന്ത്യയിലെ പരീക്ഷാ കേന്ദ്രങ്ങൾ തെരഞ്ഞെടുക്കുന്നവർക്ക് 1500 രൂപയാണ് അപേക്ഷാ ഫീസ്. കഠ്മണ്ഡു ഒഴികെയുള്ള വിദേശ അപേക്ഷകർക്ക് 325 യു.എസ് ഡോളർ അടയ്ക്കണം. കഠ്മണ്ഡുവിലുള്ളവർക്ക് 2200 രൂപയാണ് ഫീസ്.