ഡേറ്റ് ഷീറ്റ്
വിഷയം തിരിച്ചുള്ള ഡേറ്റ് ഷീറ്റും ടൈം ടേബിളും നാളെ പ്രസിദ്ധീകരിക്കും. എന്നാൽ എപ്പോൾ പ്രസിദ്ധീകരിക്കുമെന്ന കാര്യത്തിൽ തീരുമാനമായിട്ടില്ല.
എവിടെ ലഭിക്കും?
സി.ബി.എസ്.ഇ ഡേറ്റ്ഷീറ്റ് പുറത്തുവിടുന്നതോടെ വിദ്യാർത്ഥികൾക്ക് സി.ബി.എസ്.ഇയുടെ വെബ്സൈറ്റായ cbseacademic.nic.in സന്ദർശിച്ച് ടൈംടേബിൾ പരിശോധിക്കാം.
ഡൗൺലോഡ് ചെയ്യാൻ
ടൈംടേബിൾ ഡൗൺലോഡ് ചെയ്യാനായി സി.ബി.എസ്.ഇയുടെ ഔദ്യോഗിക വെബ്സൈറ്റായ cbse.gov.in സന്ദർശിക്കുക. latest updates എന്ന സെക്ഷനിൽ CBSE Class 12 date sheet എന്ന ലിങ്ക് കാണാം. അതിൽ ക്ലിക്ക് ചെയ്യുന്നതോടെ സി.ബി.എസ്.ഇ പന്ത്രണ്ടാം ക്ലാസിലെ ടൈം ടേബിൾ പി.ഡി.എഫ് ഫോർമാറ്റിൽ ലഭിക്കും. ഇത് ഡൗൺലോഡ് ചെയ്യാം.
മാതൃകാ ചോദ്യപേപ്പർ
സി.ബി.എസ്.ഇ ഇതിനകം തന്നെ പന്ത്രണ്ടാം ക്ലാസിന്റെ മാതൃകാ ചോദ്യപേപ്പറുകൾ വെബ്സൈറ്റിൽ ലഭ്യമാക്കിയിട്ടുണ്ട്. അക്കൗണ്ടൻസി, ഫിസിക്സ്, മാത്തമാറ്റിക്സ്, ബയോളജി, സൈക്കോളജി തുടങ്ങിയ വിഷയങ്ങളുടെ ചോദ്യപേപ്പറുകളും മാർക്കിംഗ് സ്കീമും വെബ്സൈറ്റിൽ ലഭിക്കും. ചോദ്യപേപ്പറിന്റെ മാതൃകയും ചോദ്യങ്ങൾ ചോദിക്കുന്ന രീതികളും ചോദ്യങ്ങളുടെ വെയിറ്റേജും വിദ്യാർത്ഥികൾക്ക് മനസ്സിലാക്കാനാകും.
Also Read: പരിസ്ഥിതി കാലാവസ്ഥ വ്യതിയാന ഡയറക്ടറേറ്റിന്റെ ഭൂമിത്രസേന ക്ലബ് പദ്ധതിയിലേക്ക് അപേക്ഷ ക്ഷണിച്ചു
സിലബസ് വെട്ടിക്കുറച്ചു
കൊവിഡ് 19ന്റെ സാഹചര്യത്തിൽ വിദ്യാർത്ഥികൾ നേരിട്ട ബുദ്ധിമുട്ടുകൾ കണക്കാക്കി സി.ബി.എസ്.ഇ പന്ത്രണ്ടാം ക്ലാസ് സിലബസ് വെട്ടിക്കുറച്ചിരുന്നു. പ്രധാന പാഠഭാഗങ്ങൾ നിലനിർത്തിയാണ് സിലബസ് വെട്ടിക്കുറച്ചിരിക്കുന്നത്.
Also Read: എസ്.എസ്.എൽ.സി ടൈം ടേബിളിൽ മാറ്റം; പുതിയ തീയതികൾ ഇങ്ങനെ
സമയം നഷ്ടപ്പെടുത്തേണ്ട
വിദ്യാർത്ഥികൾക്ക് വെട്ടിക്കുറച്ച സിലബസ് മനസ്സിലാക്കി പരീക്ഷയ്ക്ക് തയ്യാറെടുക്കാം. കൂടുതൽ പാഠഭാഗങ്ങൾ പഠിച്ച് വിദ്യാർത്ഥികൾ സമയം കളയേണ്ടതില്ല. അതേസമയം, വെട്ടിക്കുറച്ച പന്ത്രണ്ടാം ക്ലാസ് സിലബസ് ഈ വർഷത്തേക്ക് മാത്രമാണ് ബാധകം. സി.ബി.എസ്.ഇയുടെ വെട്ടിക്കുറച്ച സിലബസ് വെബ്സൈറ്റിൽ നേരത്തെ തന്നെ പ്രസിദ്ധീകരിച്ചിരുന്നു.