കൊവിഡ് 19 ന്റെ പശ്ചാത്തലത്തില് 2020-21 അധ്യയന വര്ഷത്തിലെ സിലബസ് വെട്ടിച്ചുരുക്കാന് സിബിഎസ്ഇ. ഒമ്പതാം ക്ലാസ് മുതല് പ്ലസ്ടു വരെയുള്ള ക്ലാസുകളുടെ സിലബസാണ് വെട്ടിക്കുറയ്ക്കുന്നത്. കൊവിഡ് 19 വ്യാപനത്തെ തുടര്ന്ന് സ്കൂളുകള് തുറന്നു പ്രവര്ത്തിക്കാന് സാധിക്കാത്തതിനാല് വിദ്യാര്ത്ഥികളുടെ അധ്യായന സമയം കുറഞ്ഞതിനാലാണ് ഇങ്ങനെയൊരു തീരുമാനം. സിലബസ് 30 ശതമാനം വരെ ചുരുക്കാന് ബോര്ഡ് തീരുമാനിച്ചിട്ടുണ്ട്.
2021ലെ പരീക്ഷകള് ഈ സിലബസ് അടിസ്ഥാനപ്പെടുത്തിയായിരിക്കും. ഈ മാസം വെട്ടിച്ചുരുക്കിയ പാഠ്യപദ്ധതി പ്രസിദ്ധീകരിക്കുമെന്ന് സിബിഎസ്ഇ ചെയര്മാന് മനോജ് അഹൂജ പറഞ്ഞു. സംസ്ഥാന സിലബസുകളിലും മാറ്റങ്ങളുണ്ടാകാന് സാധ്യതയുണ്ട്. എന്സിആര്ടിഇ പ്രൈമറി ക്ലാസുകളില് സ്കൂള് അധ്യയന ദിവസങ്ങളുടെ കുറവ് വീട്ടിലെ പഠനം കൂടി ഉള്്രെടുത്തി പരിഹരിക്കാനുള്ള മാര്ഗരേഖ പ്രസിദ്ധീകരിച്ചിട്ടുണ്ട്.
കൊവിഡ് 19 ന്റെ വ്യാപ്തിയെത്തുടര്ന്ന്് മാര്ച്ച് 16 മുതല് രാജ്യത്തെ വിദ്യാലയങ്ങള് അടഞ്ഞു കിടക്കുകയാണ്. മാര്ച്ച് 24നാണ് ദേശീയതലത്തില് ലോക്ക് ഡൗണും പ്രഖ്യാപിച്ചത്. സ്കൂളുകള് തുറക്കുന്ന കാര്യത്തില് ഇതുവരെ തീരുമാനം ആയിട്ടില്ല.