സെൻട്രൽ ബോര്‍ഡ് ഓഫ് സെക്കണ്ടറി എജ്യുക്കേഷൻ 10,12 ക്ലാസ് പരീക്ഷാ കലണ്ടര്‍ പ്രസിദ്ധീകരിച്ചു. പന്ത്രണ്ടാം ക്ലാസ് പരീക്ഷ ഫെബ്രുവരി 15 മുതൽ മാര്‍ച്ച് 30 വരെയും പത്താം ക്ലാസ് പരീക്ഷ ഫെബ്രുവരി 15 മുതൽ മാര്‍ച്ച് 20 വരെയുമാണ് നടക്കുന്നത്.

കഴിഞ്ഞ വര്‍ഷം പത്താം ക്ലാസ് പരീക്ഷ മാര്‍ച്ച് 7 മുതൽ 29 വരെയും പന്ത്രണ്ടാം ക്ലാസ് പരീക്ഷ മാര്‍ച്ച് 2 മുതൽ ഏപ്രിൽ 2 വരെയുമാണ് നടന്നത്.

പത്താം ക്ലാസ് പരീക്ഷ

1. ഫെബ്രുവരി 26 - ഇംഗ്ലീഷ്
2. ഫെബ്രുവരി 29 - ഹിന്ദി
3. മാര്‍ച്ച് 4 - സയൻസ്
4. മാര്‍ച്ച് 12 - മാത്തമാറ്റിക്സ്
5. മാര്‍ച്ച് 18 - സോഷ്യൽ സയൻസ്

പന്ത്രണ്ടാം ക്ലാസ് പരീക്ഷ (സയൻസ്)

1. ഫെബ്രുവരി 27 - ഇംഗ്ലീഷ്
2. മാര്‍ച്ച് 2 - ഫിസിക്സ്
3. മാര്‍ച്ച് 7 - കെമിസ്ട്രി
4. മാര്‍ച്ച് 14 - ബയോളജി
5. മാര്‍ച്ച് 17 - മാത്തമാറ്റിക്സ്

പന്ത്രണ്ടാം ക്ലാസ് പരീക്ഷ (കൊമേഴ്സ്)

1. ഫെബ്രുവരി 27 - ഇംഗ്ലീഷ്
2. മാര്‍ച്ച് 5 - അക്കൗണ്ടൻസി
3. മാര്‍ച്ച് 13 - ഇക്കണോമിക്സ്
4. മാര്‍ച്ച് 17 - മാത്തമാറ്റിക്സ
5. മാര്‍ച്ച് 21 - കമ്പ്യൂട്ടര്‍ സയൻസ്
6. മാര്‍ച്ച് 24 0 ബിസിനസ് സ്റ്റഡീസ്

Medical PG കോഴ്സുകളുടെ സീറ്റ് വര്‍ധിപ്പിക്കണമെന്ന് ആവശ്യം

പന്ത്രണ്ടാം ക്ലാസ് ആര്‍ട്സ് പരീക്ഷ

1. ഫെബ്രുവരി 22 - സൈക്കോളജി
2. ഫെബ്രുവരി 27 - ഇംഗ്ലീഷ്
3. മാര്‍ച്ച് 3 - ഹിസ്റ്ററി
4. മാര്‍ച്ച് 6 - പൊളിറ്റിക്കൽ സയൻസ്
5. മാര്‍ച്ച് 23 - ജോഗ്രഫി
6. മാര്‍ച്ച് 26 - ഹോം സയൻസ്
7. മാര്‍ച്ച് 30 - സോഷ്യോളജി

അതേസമയം, എഴുപത്തിയഞ്ച് ശതമാനത്തിൽ താഴെ ഹാജരുള്ളവരെ 10,12 ക്ലാസ് സി.ബി.എസ്.ഇ ബോര്‍ഡ് പരീക്ഷ എഴുതാൻ ഇത്തവണ അനുവദിക്കില്ലെന്ന് നേരത്തെ റിപ്പോര്‍ട്ടുകൾ വന്നിരുന്നു. ജനുവരി ഒന്നു വരെയുള്ള ഹാജരാണ് പരിശോധിക്കുന്നത്. ഹാജര്‍ കുറഞ്ഞവരുടെ പേരും വിവരവും സിബിഎസ്ഇയുടെ പ്രാദേശിക ഓഫീസുകളിലാണ് ലഭ്യമാകുന്നത്. മാത്രമല്ല, ഈ വര്‍ഷത്തെ പരീക്ഷയിൽ സിബിഎസ്ഇ നിരവധി മാറ്റങ്ങൾ വരുത്തിയിട്ടുണ്ട്. 100 മാര്‍ക്കിന് പകരം ഇത്തവണ 80 മാര്‍ക്കിനായിരിക്കും തിയറി പരീക്ഷ. പ്രായോഗിക മൂല്യനിര്‍ണയം ഇല്ലാത്ത വിഷയങ്ങളിൽ 20 മാര്‍ക്കിൻ്റേതായിരിക്കും ഇൻ്റേണൽ അസസ്മെൻ്റ്. അതേസമയം, പ്ലസ്ടു പരീക്ഷയുടെ ഫലം മേയ് ആദ്യം പ്രസിദ്ധീകരിക്കും. തിയറി, പ്രായോഗിക പരീക്ഷകളിൽ വെവ്വേറെ ജയിക്കണം. ഓരോ വിദ്യാര്‍ഥിക്കും ചോദ്യപേപ്പര്‍ വായിക്കാൻ 15 മിനിറ്റും നൽകും.