വിദ്യാര്‍ഥികൾക്ക് തത്സമയ യോഗ, മെഡിറ്റേഷൻ ക്ലാസുമായി കൗൺസിൽ ഫോര്‍ ഇന്ത്യൻ സ്കൂൾ സര്‍ട്ടിഫിക്കറ്റ് എക്സാമിനേഷൻസ്. ഫിറ്റ് ഇന്ത്യ മിഷനുമായി ചേര്‍ന്നാണ് സിഐഎസ്സിഇ ഓൺലൈൻ ക്ലാസ് നടത്തുന്നത്.

അഫിലിയേറ്റ് ചെയ്തിട്ടുള്ള എല്ലാ സ്കൂളുകൾക്കും ഇതിൻ്റെ ഭാഗമാവാം. ഏപ്രിൽ 25, 26 തീയതികളിൽ ഉച്ചക്കാണ് ക്ലാസ്. തത്സമയ ക്ലാസുകൾ ഡൗൺലോഡ് ചെയ്യാനും അവസരമുണ്ട്. നേരത്തെ സിബിഎസ്ഇയും ഇത്തരത്തിൽ യോഗ ക്ലാസ് ആരംഭിച്ചിരുന്നു. അതേസമയം, കേരള ഇൻഫ്രാസ്ട്രക്ചര്‍ ആൻഡ് ടെക്നോളജി എജ്യുക്കേഷൻ സ്വതന്ത്ര വെബ് കോൺഫറൻസിങ് പ്ലാറ്റ് ഫോം ആയ ബിഗ് ബ്ലൂ ബട്ടൺ ഓൺലൈൻ പഠനത്തിനും യോഗങ്ങൾക്കും പ്രയോജനപ്പെടുത്താൻ കഴിയും വിധം കസ്റ്റമൈസ് ചെയ്തു. കൈറ്റ് തയ്യാറാക്കിയിട്ടുള്ള സമഗ്ര പോര്‍ട്ടലിലും ഈ സൗകര്യം ലഭ്യമാണ്.

വീഡിയോ കോൺഫറൻസിങിനു പുറമേ സ്കീൻ ഷെയറിങ്, മൾട്ടി യൂസര്‍ വൈറ്റ് ബോര്‍ഡ്, പബ്ലിക് ചാറ്റ്, ഷെയേര്‍ഡ് നോട്ട്സ് തുടങ്ങിയവും ഇതിൽ ലഭ്യമാണ്. അധ്യാപകന് തയ്യാറാക്കിയ സ്ലൈഡുകൾ, വീഡിയോകൾ, ഓഡിയോകൾ എന്നിവയും വിദ്യാര്‍ഥികളുമായി തത്സമയം പങ്കുവെക്കാം. പ്രസൻ്റേഷൻ ഏരിയ വൈറ്റ് ബോര്‍ഡ് ആയും ഇത് ഉപയോഗിക്കാം. ഓൺലൈൻ പരിശീലനങ്ങൾക്കായി കൈറ്റ് രൂപകൽപ്പന ചെയ്ത കൂൾ എന്ന ലേണിങ് മാനേജ്മെൻ്റ് സിസ്റ്റവുമായി ഇത് ഇൻ്റഗ്രേറ്റ് ചെയ്തിട്ടുണ്ട്. ഉടമസ്ഥാവകാശമുള്ള സൂം പോലെയുള്ള കോൺഫറൻസിങ് സംവിധാനങ്ങളിൽ ഉപയോക്താവിൻ്റെ സ്വകാര്യത ചോദ്യം ചെയ്യപ്പെടുന്ന സാഹചര്യത്തിൽ ഔദ്യോഗിക ആവശ്യങ്ങൾക്കായി തനതായ ഒരു വെബ് കോൺഫൻസിങ് സംവിധാനം രൂപപ്പെടുത്തുന്നതിന് പുറമേ ഇതിനായി പൊതുജനങ്ങൾക്ക് ഉൾപ്പെടെ പരിശീലനം നൽകാനും കൈറ്റ് പദ്ധതിയിട്ടിട്ടുണ്ടെന്ന് സിഇഒ കെ. അൻവര്‍ സാദത്ത് അറിയിച്ചു.

REGISTER NOW

ഈ കോഴ്സുകൾക്ക് ക്രഡിറ്റ് ലഭിച്ചേക്കും; ഓൺലൈൻ പഠനത്തിന് ഹരമേറുന്നു