സ്കാൻ ചെയ്ത കോപ്പി
പരീക്ഷ എഴുതിയ എല്ലാ വിദ്യാർത്ഥികളുടെയും ഒ.എം.ആർ ഉത്തരക്കടലാസിന്റെ സ്കാൻ ചെയ്ത ചിത്രങ്ങളും ഉത്തരസൂചികയും വെബ്സൈറ്റിൽ അപ്ലോഡ് ചെയ്യും. ഇത് ഫെബ്രുവരി 19 മുതൽ ഫെബ്രുവരി 21 ന് വൈകുന്നേരം 5 വരെ www.ctet.nic.in എന്ന വെബ്സൈറ്റിലുണ്ടാകും.
എവിടെ പരിശോധിക്കാം?
പരീക്ഷയെഴുതിയവർ ഔദ്യോഗിക വെബ്സൈറ്റ് സന്ദർശിക്കുക. Downloading of OMR Sheet and Answer Key for CTET January 2021, Submission of Key Challenge for CTET January 2021 എന്നിങ്ങനെ രണ്ടു ലിങ്കുകൾ കാണാം. സിടെറ്റ് 2021 പരീക്ഷയുടെ ഉത്തരസൂചിക കാണാം. പരാതി രജിസ്റ്റർ ചെയ്യാനും അവസരമുണ്ട്. ആൻസർ ഷീറ്റിന്റെ ഫോട്ടോകോപ്പിക്കായി അപേക്ഷിക്കാനാകും. അതല്ലെങ്കിൽ പ്രിന്റെടുക്കാനും സാധിക്കും.
പരാതിപ്പെടാൻ
ctet.nic.in എന്ന വെബ്സൈറ്റിൽ നൽകിയിരിക്കുന്ന ലിങ്കിൽ ക്ലിക്ക് ചെയ്ത് ഉത്തര സൂചികയിൽ പരാതിയുണ്ടെങ്കിൽ അത് ബോധിപ്പിക്കാം. ഫെബ്രുവരി 21ന് വൈകുന്നേരം 5 വരെ ഇതിന് സമയമുണ്ട്. ചോദ്യമൊന്നിന് 1000 രൂപ ഫീസായി അടയ്ക്കണം. ക്രെഡിറ്റ് കാർഡ് അല്ലെങ്കിൽ ഡെബിറ്റ് കാർഡ് വഴി പണമടയ്ക്കാം. ഒരിക്കൽ അടച്ചാൽ റീഫണ്ട് ചെയ്യില്ല. അതേസമയം പരാതി ന്യായമായി തോന്നിയാൽ പണം റീഫണ്ട് ചെയ്യും. പണമടയ്ക്കാൻ ഉപയോഗിച്ച അതേ അക്കൗണ്ടിലേക്ക് പണം റീഫണ്ട് ചെയ്യും.
Also Read: പത്താം ക്ലാസ് വരെയുള്ള പാഠപുസ്തകങ്ങളുടെ വിതരണം ആരംഭിച്ചു
ഫോട്ടോ കോപ്പി
അവരവരുടെ ഒ.എം.ആർ ഷീറ്റിന്റെ ഫോട്ടോ കോപ്പി ലഭിക്കാൻ 500 രൂപ അടയ്ക്കണം. കാൽക്കുലേഷൻ ഷീറ്റും ഇതോടൊപ്പം ലഭിക്കും. ഡൽഹയിയിൽ മാറാവുന്ന ഡി.ഡി വഴിയാണ് പണമടയ്ക്കേണ്ടത്. സെക്രട്ടറി, സെൻട്രൽ ബോർഡ് ഓഫ് സെക്കൻഡറി എജ്യൂക്കേഷന്റെ പേരിലായിരിക്കണം ഡി.ഡി.
Also Read: ഉന്നത വിദ്യാഭ്യാസത്തിന് നോർക്ക റൂട്ട്‌സ് ഡയറക്ടേഴ്‌സ് സ്‌കോളർഷിപ്പിന് അപേക്ഷിക്കാം
സിടെറ്റ് സ‍‍ർട്ടിഫിക്കറ്റ്
ഫലമറിഞ്ഞ് 7 വർഷത്തെ കാലാവധിയാണ് സിടെറ്റ് സർട്ടിഫിക്കറ്റിനുള്ളത്. എത്ര തവണ വേണമെങ്കിലും ഒരാൾക്ക് സിടെറ്റ് പരീക്ഷയെഴുതാം. സ്കോർ ഇംപ്രൂവ് ചെയ്യാൻ വീണ്ടും പരീക്ഷയെഴുതാനും അവസരമുണ്ട്.