കേരള പ്ലസ്ടു പരീക്ഷയുടെ ടൈംടേബിൾ പ്രസിദ്ധീകരിച്ചു. ഏപ്രിൽ 8 മുതൽ ഏപ്രിൽ 26 വരെയാണ് പ്ലസ്ടു ബോർഡ് പരീക്ഷ. പരീക്ഷയെഴുതുന്ന വിദ്യാർത്ഥികൾക്ക് ഡി.എച്ച്.എസ്.ഇയുടെ ഔദ്യോഗിക വെബ്സൈറ്റായ dhsekerala.gov.in സന്ദർശിച്ച് ടൈംടൈബിൾ പരിശോധിക്കുക. ആർട്സ് സ്ട്രീമിലെ പ്ലസ്ടു പരീക്ഷ ഏപ്രിൽ 22 ന് അവസാനിക്കും. ആദ്യ ദിനമായ ഏപ്രിൽ 8ന് സോഷ്യോളജി, ആന്ത്രോപോളജി, ഇലക്ട്രോണിക് സർവീസ് ടെക്നോളജി, ഇലക്ട്രോണിക് സിസ്റ്റംസ് എന്നീ പരീക്ഷകളാണ് നടക്കുക. പ്രാക്ടിക്കൽ പരീക്ഷയില്ലാത്ത പേപ്പറുകൾക്ക് 20 മിനിറ്റ് കൂൾ ഓഫ് സമയം ലഭിക്കും. പ്രാക്ടിക്കൽ പരീക്ഷയുള്ള വിഷയങ്ങൾ രാവിലെ 9.40 മുതൽ 12 വരെ നടക്കും. പ്രാക്ടിക്കൽ വിഷയങ്ങളില്ലാത്ത വിഷയങ്ങൾ രാവിലെ 9.40ന് ആരംഭിച്ച് ഉച്ചയ്ക്ക് 12.30 ന് അവസാനിക്കും.
നേരത്തെ പ്ലസ്ടു പരീക്ഷ മാർച്ച് 27ന് ആരംഭിക്കുമെന്നാണ് അറിയിച്ചിരുന്നത്. എന്നാൽ നിയമസഭ തെരഞ്ഞെടുപ്പിന്റെ ഭാഗമായി പരീക്ഷ നീട്ടിവെക്കുകയായിരുന്നു. വിദ്യാർത്ഥികൾക്ക് വെബ്സൈറ്റ് സന്ദർശിച്ച് കൂടുതൽ വിവരങ്ങൾ മനസ്സിലാക്കാം.
നേരത്തെ പ്ലസ്ടു പരീക്ഷ മാർച്ച് 27ന് ആരംഭിക്കുമെന്നാണ് അറിയിച്ചിരുന്നത്. എന്നാൽ നിയമസഭ തെരഞ്ഞെടുപ്പിന്റെ ഭാഗമായി പരീക്ഷ നീട്ടിവെക്കുകയായിരുന്നു. വിദ്യാർത്ഥികൾക്ക് വെബ്സൈറ്റ് സന്ദർശിച്ച് കൂടുതൽ വിവരങ്ങൾ മനസ്സിലാക്കാം.