ലോക്ഡൗൺ നീണ്ടാൽ സംസ്ഥാനത്തെ എസ്.എസ്.എൽ.സി, ഹയര്‍ സെക്കണ്ടറി പരീക്ഷകളും നീളും. ലോക്ക്ഡൗൺ പിൻവലിച്ച് 10 ദിവസത്തിനുശേഷമേ സിബിഎസ്ഇ പരീക്ഷ നടത്തുവെന്ന് കേന്ദ്ര മാനവവിഭവശേഷി മന്ത്രി കഴിഞ്ഞ ദിവസം അറിയിച്ചിരുന്നു.

ലോക്ഡൗൺമൂലം അധ്യയന വര്‍ഷത്തെ ദിവസങ്ങൾ വെട്ടിക്കുറക്കേണ്ടി വന്നാൽ അതനുസരിച്ച് പാഠ്യപദ്ധതിയും കുറക്കണമെന്ന് വിവിധ സംസ്ഥാനങ്ങൾ ആവശ്യപ്പെട്ടു. എല്ലാ സംസ്ഥാനങ്ങളിലും ബോര്‍ഡ് പരീക്ഷ പൂര്‍ത്തിയായ ശേഷമേ നീറ്റ് പോലുള്ള പ്രവേശന പരീക്ഷകൾ നടത്താവൂ എന്നും സംസ്ഥാനങ്ങൾ വ്യക്തമാക്കി. അതേസമയം, ലോക്ഡൗൺ കഴിഞ്ഞാലും ഓൺലൈൻ പഠന രീതി കൂടുതലായി ഉപയോഗിക്കണമെന്ന് കേന്ദ്രം നിര്‍ദേശിച്ചു. കേരളത്തെ പ്രിതിനിധീകരിച്ച് പൊതുവിദ്യാഭ്യാസ സെക്രട്ടറി, ഡയറക്ടര്‍ എന്നിവര്‍ വീഡിയോ കോൺഫറൻസിൽ പങ്കെടുത്തു.

അതേസമയം, കൊറോണ വൈറസിൻ്റെ പശ്ചാത്തലത്തില്‍ 10,12 ക്ലാസുകളിലെ പരീക്ഷകളെ പറ്റി പ്രചരിക്കുന്ന വ്യാജ പ്രചാരണങ്ങളില്‍ വിശ്വസിക്കരുതെന്ന് സിബിഎസ്‌ഇ. ലോക്ക്ഡൗണ്‍ മാറിയ ശേഷം പരീക്ഷകള്‍ നടത്തുമെന്ന തീരുമാനത്തില്‍ മാറ്റമില്ലെന്ന് സിബിഎസ്‌ഇ ഔദ്യോഗിക ട്വിറ്റര്‍ അക്കൗണ്ടിലൂടെ വ്യക്തമാക്കി. 10,12 ക്ലാസുകളിലെ 29 വിഷയങ്ങളിലാണ് ഇനി പരീക്ഷ നടക്കാനുള്ളത്. പരീക്ഷ നടത്തിപ്പിനെപറ്റി വരുന്ന പ്രചാരണങ്ങള്‍ അടിസ്ഥാന രഹിതമാണെന്നും ഏപ്രില്‍ ഒന്നിന് പുറത്തിറക്കിയ സര്‍ക്കുലറില്‍ വ്യക്തമാക്കുന്നതില്‍ നിന്ന് വ്യതിചലിച്ചിട്ടില്ലെന്നും സിബിഎസ്‌ഇ വ്യക്തമാക്കി.

അധ്യയന വര്‍ഷം വൈകിയേക്കും