ഓൺലൈൻ സ്റ്റഡി മെറ്റീരിയലുകൾ പ്രസിദ്ധീകരിച്ചു

ലോക്ക്ഡൗൺ കാലത്തെ പഠനം സുഗമമാക്കുന്നതിന് കേരള സംസ്ഥാന ഉന്നത വിദ്യഭ്യാസ കൗൺസിൽ സ്റ്റഡി മെറ്റീരിയലുകൾ പ്രസിദ്ധീകരിച്ചു. നിരവധി കോളേജുകളിലെ അധ്യാപകര്‍ ചേര്‍ന്നാണ് വിദ്യാര്‍ഥികൾക്കായി പഠന സാമഗ്രികൾ തയ്യാറാക്കിയിരിക്കുന്നത്.

കാലിക്കറ്റ്, കേരള, എംജി, കണ്ണൂര്‍ സര്‍വകലാശാലകൾക്ക് പുറമേ, ക്രൈസ്റ്റ് കോളേജ് ( ഇരിങ്ങാലക്കുട), സെൻ്റ് തെരാസസ് (എറണാകുളം) എന്നിവിടങ്ങളിലെ കോഴ്സ് മെറ്റീരിയലുകളും വൈബ്സൈറ്റിൽ ലഭ്യമാണ്. അതേസമയം, സംസ്ഥാനത്തെ സര്‍വകലാശാല പരീക്ഷകൾ ഘട്ടം ഘട്ടമാക്കാൻ ആലോചന. ഒരു ഘട്ടത്തിൽ പരീക്ഷ എഴുതാൻ കഴിയാത്തവര്‍ക്ക് രണ്ടാമതും പരീക്ഷ നടത്തും. അവസാന സെമസ്റ്റര്‍ പരീക്ഷകൾ ജൂലൈ അവസാനത്തോടെ തീര്‍ത്ത് ഓഗസ്റ്റിൽ തന്നെ സര്‍ട്ടിഫിക്കറ്റ് നൽകാനാണ് ആലോചന. ഗ്രീൻ, ഓറഞ്ച് സോണുകളിലാവും ആദ്യം പരീക്ഷ നടത്തുക.

കേരള സര്‍വകലാശാല ഉൾപ്പെടെ കോളേജുകളെ മേഖലകളായി തിരിച്ച് പരീക്ഷ നടത്തുന്നതിൻ്റെ പ്രായോഗികതയും പരിശോധിക്കുന്നുണ്ട്. ഐഐടി, എൻഐടി എന്നിവടങ്ങളിലും മുംബൈ, ഡൽഹി എന്നിവടങ്ങളിലെ വിദ്യാഭ്യാസ കേന്ദ്രങ്ങളിലുമൊക്കെ പുതിയ ക്ലാസ് സെപ്റ്റംബര്‍ ഒന്നിനും 15നും ഇടക്ക് ആരംഭിക്കാണ് നിശ്ചയിച്ചിരിക്കുന്നത്. യുജിസി നിര്‍ദേശത്തിലുള്ള വെക്കേഷൻ ഉൾപ്പെടെയുള്ളവ ഉപേക്ഷിച്ചാകും ഇത് പൂര്‍ത്തിയാക്കുക.

ONLINE STUDY