കേരള സംസ്ഥാന സാക്ഷരതാ മിഷൻ നടത്തിയ നാലാം ക്ലാസ് തുല്യതാ കോഴ്സ് പരീക്ഷയിൽ വിജയം നേടി 105-കാരി. 275ൽ 205 മാര്‍ക്ക് നേടിയാണ് ഭഗീരതി അമ്മ ചരിത്രം സൃഷ്ടിച്ചത്.

മാത്തമാറ്റിക്സിൽ മുഴുവൻ മാര്‍ക്കും നേടിയ ഭഗീരതി അമ്മക്ക് ഇംഗ്ലീഷിന് 30 മാര്‍ക്കും മലയാളത്തിന് 50 മാര്‍ക്കും ലഭിച്ചു. മലയാളം, നമ്മളും നമുക്ക് ചുറ്റും, ഇംഗ്ലീഷ്, മാത്തമാറ്റിക്സ് എന്നീ വിഷയങ്ങളായിരുന്നു പരീക്ഷക്ക് ഉണ്ടായിരുന്നത്.

കേരള ലിറ്റററി മിഷൻ ഡയറക്ടര്‍ പി.എസ് ശ്രീകല ഭഗീരതിയമ്മയുടെ പാറക്കുളത്തെ വീട് സന്ദര്‍ശിച്ച് അഭിനന്ദനം അറിയിച്ചു. ഭഗീരതി അമ്മക്ക് 6 കുട്ടികളും 16 പേര കുട്ടികളുമാണ് ഉള്ളത്. സംസ്ഥാനത്ത് 10012 പേര്‍ എഴുതിയ നാലാം ക്ലാസ് തുല്യതാ പരീക്ഷയിൽ 9456 ആളുകൾ വിജയിച്ചു. പത്തനംതിട്ട ജില്ലിയിൽ നിന്നും പരീക്ഷ എഴുതിയ എല്ലാവരും വിജയിച്ചു.

പരീക്ഷ ടൈംടേബിൾ പ്രസിദ്ധീകരിച്ചു

കുഞ്ഞുന്നാൾ മുതൽ കുടുംബത്തിൻ്റെ ഉത്തരവാദിത്തങ്ങൾ ഏറ്റെടുക്കേണ്ടി വന്ന ഈ അമ്മക്ക് പഠനം ഉപേക്ഷിക്കുകയല്ലാതെ മാറ്റ് മാർഗ്ഗങ്ങൾ ഒന്നുമില്ലായിരുന്നു. എന്നാൽ എല്ലാം കഴിഞ്ഞ് ഒരവസരം കിട്ടിയപ്പോൾ 105-ാം വയസ്സിൽ, ഒരുപക്ഷേ ഏറ്റവും പ്രായം കൂടിയ വ്യക്തിയായ ഈ അമ്മ കേരള സംസ്ഥാന സാക്ഷരതാ മിഷന് കീഴിൽ പഠനം പുനരാരംഭിക്കുകയായിരുന്നു. അറിവ് നേടാൻ പ്രായമൊരു തടസ്സമല്ലെന്നാണ് ഈ അമ്മ പ്രവൃത്തിയിലൂടെ നമുക്ക് കാണിച്ചു തരുന്നത്.