കേരള ടീച്ചർ എലിജിബിലിറ്റ് ടെസ്റ്റിന്റെ (കെ-ടെറ്റ്) രജിസ്ട്രേഷൻ ആരംഭിച്ച് കേരള പരീക്ഷാ ഭവൻ. ഏപ്രിൽ 28 മുതൽ മേയ് 6 വരെയാണ് കെ-ടെറ്റ് പരീക്ഷയ്ക്കായി രജിസ്റ്റർ ചെയ്യാനുള്ള അവസരമുള്ളത്. കെ-ടെറ്റ് പരീക്ഷയ്ക്ക് അപേക്ഷിക്കാൻ ഉയർന്ന പ്രായപരിധിയില്ല. താൽപ്പര്യമുള്ളവർക്ക് കെ-ടെറ്റിന്റെ ഔദ്യഗിക വെബ്സൈറ്റായ ktet.kerala.gov.in സന്ദർശിക്കുക. സംസ്ഥാനത്തെ അധ്യാപക തസ്തികകളിലേക്കുള്ള നിയമനത്തിനായാണ് കെ-ടെറ്റ് പരീക്ഷ നടത്തുന്നത്. മേയ് 7 ആണ് ഫീസടയ്ക്കാനുള്ള അവസാന തീയതി. എൽ.പി പരീക്ഷയ്ക്ക് അപേക്ഷിക്കാൻ പ്ലസ്ടു കുറഞ്ഞത് 45 ശതമാനം മാർക്കോടെ പാസായിരിക്കണം. യു.പി യിലേക്ക് അപേക്ഷിക്കാൻ ബി.എ/ ബി.എസ്.സി/ ബി.കോം എന്നിവയുണ്ടായിരിക്കണം. ഹൈസ്ക്കൂളിലേക്ക് അപേക്ഷിക്കാൻ ഏതെങ്കിലും വിഷയത്തിലെ ടീച്ചിങ്ങിലുള്ള സർട്ടിഫിക്കറ്റ് / ഡിപ്ലോമ/ ഡിഗ്രിയി ഉണ്ടായിരിക്കണം. സർവകലാശാല/ എൻ.സി.ടി.ഇ/ ബോർഡ് ഓഫ് എക്സാമിനേഷൻ/ കേരള സർക്കാർ അംഗീകാരമുണ്ടായിരിക്കണം.
ജനറൽ, ഒ.ബി.സി വിഭാഗക്കാർക്ക് 500 രൂപയാണ് അപേക്ഷാ ഫീസ്. എസ്.സി, എസ്.ടി വിഭാഗക്കാർക്ക് 250 രൂപ അടച്ചാൽ മതിയാകും. അപേക്ഷാ ഫീസ് നെറ്റ് ബാങ്കിംഗ്, ക്രെഡിറ്റ് കാർഡ്, ഡെബിറ്റ് കാർഡ് എന്നീ രീതികളിൽ അടയ്ക്കാം.
ജനറൽ, ഒ.ബി.സി വിഭാഗക്കാർക്ക് 500 രൂപയാണ് അപേക്ഷാ ഫീസ്. എസ്.സി, എസ്.ടി വിഭാഗക്കാർക്ക് 250 രൂപ അടച്ചാൽ മതിയാകും. അപേക്ഷാ ഫീസ് നെറ്റ് ബാങ്കിംഗ്, ക്രെഡിറ്റ് കാർഡ്, ഡെബിറ്റ് കാർഡ് എന്നീ രീതികളിൽ അടയ്ക്കാം.