രാജ്യത്തെ ഏറ്റവും മികച്ച കോളേജായി വീണ്ടും മദ്രാസ് ഐഐടിയെ തെരഞ്ഞെടുത്തു. കേന്ദ്ര മാനവ വിഭവശേഷി വികസന മന്ത്രാലയത്തിന്റെ എന്ഐആര്എഫ് റാങ്കിംഗ് പ്രസിദ്ധീകരിച്ചപ്പോളാണ് ഐഐടി മദ്രാസ് നേട്ടമുണ്ടാക്കിയത്. എഞ്ചിനീയറിംഗ് വിഭാഗത്തിലും സ്ഥാപനം ഒന്നാം സ്ഥാനത്തെത്തി.
സര്വകലാശാലകളുടെ വിഭാഗത്തില് ഒന്നാം റാങ്ക് കരസ്ഥമാക്കിയത് ബാംഗ്ലൂര് ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സാണ്. രണ്ടാം സ്ഥാനം ഡല്ഹി ജവഹര്ലാല് നെഹ്റു യൂണിവേഴ്സിറ്റി കരസ്ഥമാക്കി. കേരള സർവകലാശാല 35 ാം സ്ഥാനം കരസ്ഥമാക്കിയപ്പോൾ എംജി സർവകലാശാല 49ാം സ്ഥാനത്തെത്തി. കോളേജുകളുടെ റാങ്ക് പട്ടിക എന്ഐആര്എഫ് വെബ്സൈറ്റില് നിന്ന് മനസ്സിലാക്കാം.
ഇന്ത്യയിലെ ഏറ്റവും മികച്ച കോളേജുകളെ കണ്ടെത്തുന്നതിനുള്ള റാങ്കിംഗാണ് നാഷണല് ഇന്സ്റ്റിറ്റിയൂഷനല് റാങ്കിങ് ഫ്രെയിവര്ക്ക്. 2020ലെ റാങ്കിംഗ് പട്ടിക ഇന്ന് പ്രസിദ്ധീകരിക്കും. 2015ലാണ് എന്ഐആര്എഫ് നിലവില് വരുന്നത്. ഇതിന്റെ അടിസ്ഥാനത്തില് 2016ല് മികച്ച കോളേജുകളെ പ്രഖ്യാപിച്ചു. വിവിധ വ്യവസ്ഥകള് പരിശോധിച്ച് പല വിഭാഗങ്ങളിലുള്ള കോളേജുകളെ പട്ടികയില് ഉള്പ്പെടുത്തും. ഓരോ വര്ഷവം വിഭാഗങ്ങളുടെ എണ്ണവും കൂടിക്കൂടി വന്നു. 2016ല് നാല് വിഭാഗങ്ങളില് മാത്രമാണ് റാങ്കിംഗ് നല്കിയത്. 2019ല് ഇത് 9 വിഭാഗമായി.
ഈ വര്ഷം റാങ്കിങ്ങില് പങ്കെടുത്തത് മുന്വര്ഷത്തെക്കാള് 20 ശതമാനം അധികം കോളേജുകളായിരുന്നു. റാങ്കിങ്ങിനായി 3800 സ്ഥാപനങ്ങള് പങ്കെടുത്തു. ദന്തല് കേളേജുകള്ക്കായുള്ള റാങ്കിംഗും ഈ വര്ഷമാണ് ആദ്യമായി ഏര്പ്പെടുത്തിയത്.