മെഡിക്കൽ പ്രവേശന പരീക്ഷയായ നാഷണൽ എലിജിബിലിറ്റി കം എൻട്രൻസ് എക്സാമിനായുള്ള (നീറ്റ്) അപേക്ഷ ഫോം ഇതുവരെ നാഷണൽ ടെസ്റ്റിംഗ് ഏജൻസി (എൻ.ടി.എ) വെബ്സൈറ്റിൽ ലഭ്യമാക്കിയിട്ടില്ല. പരീക്ഷ ഓഗസ്റ്റ് 1 ന് നടക്കുമെന്ന് നേരത്തെ അറിയിച്ചിരുന്നു. അപേക്ഷ ഫോം വന്നാലുടൻ വിദ്യാർത്ഥികൾക്ക് എൻ.ടി.എയുടെ ഔദ്യോഗിക വെബ്സൈറ്റായ ntaneet.nic.in സന്ദർശിച്ച് ഓൺലൈനായി രജിസ്ട്രേഷൻ നടത്താം. കൊവിഡിന്റെ രണ്ടാം തരംഗം പിടിമുറുക്കുന്ന സാഹചര്യത്തിൽ ബോർഡ് പരീക്ഷകളും നിരവധി പ്രവേശന പരീക്ഷകളും മാറ്റിവെച്ചിരുന്നു. കഴിഞ്ഞ വർഷത്തിന് സമാനമായി ഇത്തവണയും നീറ്റ് പരീക്ഷ മാറ്റിവെക്കുമോയെന്ന ആശങ്കയിലാണ് വിദ്യാർത്ഥികൾ.
2020ൽ സെപ്റ്റംബർ 13നാണ് നീറ്റ് പരീക്ഷ നടത്തിയത്. തുടർന്ന് കൊവിഡ് ബാധിതരായ വിദ്യാർത്ഥികൾക്കും കണ്ടെയിൻമെന്റ് സോണിലുൾപ്പെട്ട വിദ്യാർത്ഥികൾക്കുമായി ഒക്ടോബർ 14ന് വീണ്ടും പരീക്ഷ നടത്തി. രണ്ടു സെഷനുകളും കൊവിഡ് സുരക്ഷാ മാനദണ്ഡങ്ങൾ പാലിച്ചായിരുന്നു നടത്തിയത്. പൊതു ഗതാഗത സൗകര്യമില്ലായിരുന്നതിനാൽ ഏറെ ബുദ്ധിമുട്ടിയായിരുന്നു വിദ്യാർത്ഥികൾ പരീക്ഷാ കേന്ദ്രങ്ങളിൽ എത്തിച്ചേർന്നത്. പരീക്ഷയെഴുതാൻ മാസ്ക്കും ഗ്ലൗസുകളും നിർബന്ധമായിരുന്നു.
കഴിഞ്ഞ വർഷത്തെ നീറ്റ് പരീക്ഷയുടെ തീയതി പ്രഖ്യാപിച്ചത് മേയ് 5നായിരുന്നു. നീറ്റ് റദ്ദാക്കുമെന്നതടക്കമുള്ള വാർത്തകൾ പ്രചരിച്ചിരുന്നെങ്കിലും എൻ.ടി.എ പരീക്ഷ നടത്തുകയായിരുന്നു. രാജ്യത്തെ ഏറ്റവും വലിയ പ്രവേശന പരീക്ഷകളിൽ ഒന്നാണ് നീറ്റ്. ഓരോ വർഷവും 15 ലക്ഷത്തിൽപ്പരം വിദ്യാർത്ഥികൾ പരീക്ഷയെഴുതാറുണ്ട്.
2020ൽ സെപ്റ്റംബർ 13നാണ് നീറ്റ് പരീക്ഷ നടത്തിയത്. തുടർന്ന് കൊവിഡ് ബാധിതരായ വിദ്യാർത്ഥികൾക്കും കണ്ടെയിൻമെന്റ് സോണിലുൾപ്പെട്ട വിദ്യാർത്ഥികൾക്കുമായി ഒക്ടോബർ 14ന് വീണ്ടും പരീക്ഷ നടത്തി. രണ്ടു സെഷനുകളും കൊവിഡ് സുരക്ഷാ മാനദണ്ഡങ്ങൾ പാലിച്ചായിരുന്നു നടത്തിയത്. പൊതു ഗതാഗത സൗകര്യമില്ലായിരുന്നതിനാൽ ഏറെ ബുദ്ധിമുട്ടിയായിരുന്നു വിദ്യാർത്ഥികൾ പരീക്ഷാ കേന്ദ്രങ്ങളിൽ എത്തിച്ചേർന്നത്. പരീക്ഷയെഴുതാൻ മാസ്ക്കും ഗ്ലൗസുകളും നിർബന്ധമായിരുന്നു.
കഴിഞ്ഞ വർഷത്തെ നീറ്റ് പരീക്ഷയുടെ തീയതി പ്രഖ്യാപിച്ചത് മേയ് 5നായിരുന്നു. നീറ്റ് റദ്ദാക്കുമെന്നതടക്കമുള്ള വാർത്തകൾ പ്രചരിച്ചിരുന്നെങ്കിലും എൻ.ടി.എ പരീക്ഷ നടത്തുകയായിരുന്നു. രാജ്യത്തെ ഏറ്റവും വലിയ പ്രവേശന പരീക്ഷകളിൽ ഒന്നാണ് നീറ്റ്. ഓരോ വർഷവും 15 ലക്ഷത്തിൽപ്പരം വിദ്യാർത്ഥികൾ പരീക്ഷയെഴുതാറുണ്ട്.