രണ്ട് സ്കോളര്‍ഷിപ്പുകൾ പ്രഖ്യാപിച്ച് ഒ.എൻ.ജി.സി. യോഗ്യരായ വിദ്യാര്‍ഥികൾ മാര്‍ച്ച് 5നകം അപേക്ഷകൾ സമര്‍പ്പിക്കണം. ബിപിഎൽ വിഭാഗക്കാര്‍ക്ക് പരിഗണനയുണ്ട്. ആദ്യ വര്‍ഷം സ്കോളര്‍ഷിപ്പിന് അര്‍ഹത നേടുന്നവര്‍ക്ക് വ്യവസ്ഥകൾക്ക് വിധേയമായി മാത്രമേ പുതുക്കി നൽകൂ.

ഒ.ബി.സി വിഭാഗക്കാര്‍ക്കും പൊതുവിഭാഗത്തിൽ സാമ്പത്തികമായി പിന്നാക്കം നിൽക്കുന്ന വിഭാഗക്കാര്‍ക്കുമാണ് പ്രധാനമായും ഓയിൽ ആൻഡ് നാച്വറൽ ഗ്യാസ് കോര്‍പ്പറേഷൻ സ്കോളര്‍ഷിപ്പുകൾ നൽകുന്നത്. നിശ്ചിത പ്രൊഫഷണൽ, മാസ്റ്റേഴ്സ് കോഴ്സുകളിൽ ആദ്യ വര്‍ഷത്തിൽ പഠിക്കുന്നവര്‍ക്ക് മാസം 4000 രൂപ നിരക്കിൽ 500 വീതം സ്കോളര്‍ഷിപ്പുകളാണ് ഓരോ പദ്ധതിയിലും നൽകുന്നത്. അതേസമയം, എൻജിനീയറിങ് വിഭാഗത്തിന് 300ഉം എം.ബി.ബി.എസ് പഠനത്തിന് അൻപതും സ്കോളര്‍ഷിപ്പുകൾ നാലു വര്‍ഷത്തേക്ക് നൽകും.

എന്നാൽ, ബിരുദധാരികൾക്ക് മാസ്റ്റര്‍ ഓഫ് ബിസിനസ് അഡ്മിനിസ്ട്രേഷൻ പഠനത്തിന് 50ഉം ജിയോഫിസിക്സ് മാസ്റ്റേഴ്സ് പഠനത്തിന് 100ഉം സ്കോളര്‍ഷിപ്പുകൾ രണ്ടുവര്‍ഷം ലഭിക്കും. ഫുൾ ടൈം പഠനം നടത്തുന്നവര്‍ക്കാണ് ഈ ആനുകൂല്യം ലഭിക്കുന്നത്. ഓരോ പദ്ധതിയിലുമുള്ള 500 സ്കോളര്‍ഷിപ്പുകളിൽ 50 ശതമാനം വനിതകൾക്കാണ്.

യോഗ്യത

അപേക്ഷകര്‍ക്ക് ബന്ധപ്പെട്ട യോഗ്യതാ പരീക്ഷയിൽ 60 ശതമാനം മാര്‍ക്ക് ഉണ്ടായിരിക്കണം.

പ്രായപരിധി

അപേക്ഷകരുടെ പ്രായം 30ൽ കവിയരുത്.

വരുമാനം

അപേക്ഷകരുടെ വാര്‍ഷിക വരുമാനം രണ്ടുലക്ഷം രൂപയിൽ കവിയരുത്. തമിഴ്നാട്, കര്‍ണാടക, തെലങ്കാന, പുതുച്ചേരി, ലക്ഷദ്വീപ്, ആൻഡമാൻ ആൻഡ് നിക്കോബാര്‍ എന്നിവയുൾപ്പെടുന്ന മേഖലയാണ് കേരളം. യോഗ്യത പരീക്ഷക്ക് പഠിച്ച സ്ഥാപനം സ്ഥിതി ചെയ്യുന്ന പ്രദേശം എവിടെയാണോ ആ പ്രദേശം ഉൾപ്പെടുന്ന മേഖലയിലാണ് അപേക്ഷ നൽകേണ്ടത്.

അപേക്ഷ

ഒ.എൻ.ജി.സി സ്കോളറിൻ്റെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷയുടെ പ്രിൻ്റ് ഔട്ടും അനുബന്ധ രേഖകളും മാര്ച്ച് 5നകം ലഭിക്കണം.

പൂജ്യം മാര്‍ക്കുള്ളവരെയും ഉൾപ്പെടുത്തി പി.എസ്.സിയുടെ പട്ടിക

തിരഞ്ഞെടുപ്പ്

യോഗ്യതാ പരീക്ഷയിലെ മൊത്തം മാര്‍ക്ക് പരിഗണിച്ചാണ് തിരഞ്ഞെടുപ്പ്. തുല്യ മാര്‍ക്ക് വന്നാൽ കുറഞ്ഞ കുടുംബ വരുമാനമുള്ളവര്‍ക്ക് മുൻഗണന ലഭിക്കും. ബി.പി.എൽ വിഭാഗക്കാര്‍ക്കും പരിഗണനയുണ്ട്.