വിജ്ഞാപനങ്ങളും പരീക്ഷാ തീയതികളുമുൾപ്പെടെയുള്ള അറിയിപ്പുകളെല്ലാം ഒരൊറ്റ ആപ്പിൽ ഉൾപ്പെടുത്തി സ്റ്റാഫ് സെലക്ഷൻ കമ്മീഷൻ. കേന്ദ്ര ഇലക്ട്രോണിക്സ് ആൻഡ് ഐടി മന്ത്രാലയമാണ് ഉമംഗ് ആപ്പ് തയ്യാറാക്കിയത്.

പുതിയ വിജ്ഞാപനങ്ങൾ, പരീക്ഷാ തീയതികൾ, ഫലങ്ങൾ, പ്രത്യേക അറിയിപ്പുകൾ, പരീക്ഷാ കലണ്ടര്‍ തുടങ്ങിയ വിവരങ്ങളാവും ആപ്പ് വഴി ലഭിക്കുന്നത്. ഉദ്യോഗാര്‍ഥികൾക്ക് ഗൂഗിൾ പ്ലേ സ്റ്റോറിലൂടെയും ഐട്യൂൺസിലൂടെയും ആപ്പ് ഡൗൺലോഡ് ചെയ്യാം. അതേസമയം, പരീക്ഷകൾക്കായി വിദ്യാഭ്യാസ സ്ഥാപനങ്ങൾ തുറന്ന് പ്രവര്‍ത്തിക്കാമെങ്കിലും സര്‍വകലാശാല പരീക്ഷകൾ എന്ന് ആരംഭിക്കുമെന്നതിൽ തീരുമാനമായില്ല. സര്‍വകലാശാലകളാണ് ഇതിൽ തീരുമാനമെടുക്കേണ്ടത്.

മറ്റ് സംസ്ഥാനങ്ങളിലും വിദേശ രാജ്യങ്ങളിലും വിദ്യാര്‍ഥികൾ കുടുങ്ങി കിടക്കുന്നതിനാൽ ട്രെയിൻ, വിമാന സര്‍വീസുകൾ ആരംഭിക്കാതെ പരീക്ഷ തുടങ്ങണ്ടെന്നായിരുന്നു ആദ്യ ആലോചന. അവസാന സെമസ്റ്റര്‍ വിദ്യാര്‍ഥികൾക്ക് തൊഴിലവസരം നഷ്ടപ്പെടുമെന്നതിനാൽ പരീക്ഷ കഴിവതും നേരത്തെ നടത്താമെന്നും അവസരം നഷ്ടപ്പെടുന്നവര്‍ക്ക് വീണ്ടും പരീക്ഷ നടത്താമെന്ന നിര്‍ദേശവും പരിഗണിക്കുന്നുണ്ട്.

ഇൻ്റേൺഷിപ്പ് ഇനി ഓൺലൈനായും...?