എസ്.എസ്.എൽ.സി ചോദ്യക്കടലാസുകളുടെ സൂക്ഷിപ്പ് വീണ്ടും സ്കൂളുകളിലേക്ക്. ചോദ്യ ചോര്‍ച്ച ഉൾപ്പെടെയുള്ള ക്രമക്കേടുകളുടെ പശ്ചാത്തലത്തിൽ ബാങ്കുകളിൽ സൂക്ഷിച്ചിരുന്ന ചോദ്യക്കടലാസുകളാണ് ഇത്തവണ മുതൽ സ്കൂളുകളിൽ തന്നെ സംരക്ഷിക്കുന്നത്.

ഏതാനും വര്‍ഷമായി ചോദ്യക്കടലാസുകൾ ബാങ്കുകളിലാണ് സൂക്ഷിച്ചിരുന്നത്. എന്നാൽ, സ്കൂളുകളിൽ തന്നെ സുരക്ഷയൊരുക്കാൻ കഴിയുമെന്ന കണക്കുക്കൂട്ടലിലാണ് പുതിയ തീരുമാനം. തീരുമാന പ്രകാരം ചോദ്യക്കടലാസുകൾ സൂക്ഷിക്കാൻ സ്കൂളുകളിൽ താഴെ പറയുന്ന സൗകര്യങ്ങളുണ്ടായിരിക്കണം.

1. സുരക്ഷിതമായ മുറി
2. രണ്ട് അലമാരകൾ
3. മുറിക്ക് രണ്ട് പൂട്ട്
4. മുറിക്ക് കാവൽ
5. 24 മണിക്കൂറും സിസിടിവി
6. പോലീസിൻ്റെ സഹായം

Higher Secondary സർട്ടിഫിക്കറ്റിലെ മാറ്റങ്ങൾ അറിയാം

മേൽ പറഞ്ഞ സജ്ജീകരണങ്ങൾക്ക് സ്കൂളിലെ പിഡി ഫണ്ടിൽ നിന്നോ പിടിഎ ഫണ്ടിൽനിന്നോ തുക വിനിയോഗിക്കാനാണ് വിദ്യാഭ്യാസ വകുപ്പിൻ്റെ നിര്‍ദേശം. എന്നാൽ, കുട്ടികൾ കുറവുള്ള സ്കൂളുകളിൽ ഇതിനാവശ്യമായ ഫണ്ടില്ലെന്നാണ് അധ്യാപകരുടെ വാദം. എന്നാൽ, ഇത്തരം സ്കൂളുകൾ നേരത്തെ തന്നെ വിവരം അറിയിക്കണമെന്ന് വിദ്യാഭ്യാസ വകുപ്പ് അറിയിച്ചു. മാര്‍ച്ചിൽ നടക്കുന്ന പരീക്ഷക്ക് ഇനി ആഴ്ചകൾ മാത്രമാണ് അവശേഷിക്കുന്നത്.