ഇന്ത്യയിലെ സര്‍ക്കാര്‍ സ്കൂളിലെ വിദ്യാര്‍ഥികൾ പഠന നിലവാരത്തിൽ പിന്നിലെന്ന് തെളിയിക്കുന്ന റിപ്പോര്‍ട്ട് പുറത്ത്. 1 മുതൽ 99 വരെയുള്ള സംഖ്യകളെ മനസ്സിലാക്കാൻ ഒന്നാം ക്ലാസിലെ പകുതി വിദ്യാര്‍ഥികൾക്ക് പോലും സാധിക്കുന്നില്ലെന്ന് ആനുവൽ സ്റ്റാറ്റസ് ഓഫ് എജ്യുക്കേഷൻ റിപ്പോര്‍ട്ട് വ്യക്തമാക്കുന്നു.

മാത്രമല്ല, രണ്ടാം ക്ലാസിൽ പഠിക്കുന്ന 28 ശതമാനം വിദ്യാര്‍ഥികൾക്കും രണ്ടക്ക സംഖ്യ തിരിച്ചറിയാൻ സാധിക്കുന്നില്ലെന്നും റിപ്പോര്‍ട്ട് വ്യക്തമാക്കുന്നു. ഇന്ത്യയിലെ 24 സംസ്ഥനങ്ങളിലെ 26 ജില്ലകളിലായി 36000 ലധികം കുട്ടികളിലാണ് അസര്‍ പഠനം നടത്തിയത്.രാജ്യത്തെ 4 മുതൽ 8 വയസ്സു വരെയുള്ള കുട്ടികളുടെ പഠന നിലവാരമുൾപ്പെടെയുള്ള വിവരങ്ങൾ തയ്യാറാക്കുകയാണ് അസര്‍ റിപ്പോര്‍ട്ടിൻ്റെ ലക്ഷ്യം.

അസര്‍ റിപ്പോര്‍ട്ടിൻ്റെ മറ്റ് കണ്ടെത്തലുകൾ

1. സര്‍ക്കാര്‍ സ്കൂളിലെത്തുന്ന 4 മുതൽ 5 വയസ്സുവരെയുള്ള കുട്ടികളിൽ 56.8 ശതമാനവും പെൺകുട്ടികളാണ്.

2. 2009ൽ പാസാക്കിയ വിദ്യാഭ്യാസത്തിനുള്ള അവകാശം സ്കൂളുകളിൽ ലംഘിക്കപ്പെടുന്നു.

3. ഒന്നാം ക്ലാസിൽ ചേര്‍ന്നിരിക്കുന്ന കുട്ടികളിൽ 10ൽ നാലുപേരും അഞ്ചു വയസ്സിൽ താഴെയുള്ളവരോ ആറു വയസ്സിൽ കൂടുതൽ ഉള്ളവരോ ആണ്.

4. പ്രീ-സ്കൂളിൽ 49.6 ശതമാനവും ആൺകുട്ടികളാണ്.

5. സ്കൂളിലെത്തുന്ന 6 മുതൽ 8 വയസ്സ് വരെയുള്ള കുട്ടികളിൽ 61.1 ശതമാനവും പെൺകുട്ടികളാണ്.

ഉദ്യോഗാർഥികളുടെ ശ്രദ്ധക്ക്; PSC പരീക്ഷകൾക്ക് ഇനി ബയോമെട്രിക് പരിശോധന