കഴിഞ്ഞ ദിവസമാണ് കേന്ദ്ര മാനവ വിഭവശേഷി വികസന വകുപ്പ് രാജ്യത്തെ മികച്ച കോളേജുകളുടെയും സര്വലാശാലകളുടെയും പട്ടികയായ എന്ഐആര്എഫ് പട്ടിക പ്രസിദ്ധീകരിച്ചത്. മദ്രാസ് ഐഐടി ആയിരുന്നു ഒന്നാം സ്ഥാനത്ത്. അതേസമയം ബീഹാറിലെ വിദ്യാഭ്യാസ സ്ഥാപനങ്ങളുടെ കാര്യം ചിലര് ചര്ച്ച ചെയ്തിരുന്നു.
ആദ്യത്തെ 100 ഇന്സ്റ്റിറ്റിയൂഷനുകളില് ബീഹാറില് നിന്നുള്ള ഒരു സംസ്ഥാന സര്വകലാശാലയും കോളേജും ഇടംപിടിച്ചില്ല. ആദ്യ 100 ന്റെ റാങ്ക് പട്ടികയില് ബീഹാറില് നിന്ന് ഇടംപിടിച്ചത് പാട്ന ഐഐടി മാത്രമാണ്. 54 ാം റാങ്കാണ് പാട്ന ഐഐടിക്ക്. രാജ്യത്തെ ഏറ്റവും മികച്ച 100 എഞ്ചിനീയറിങ് കോളേജുകളില് 26 സ്ഥാനം മാത്രമാണ് ഐഐടി പാട്നയ്ക്ക് ലഭിച്ചത്. 2016ല് ഇത് പത്താം സ്ഥാനത്തായിരുന്നു. 2019ലെ പട്ടികയില് 22 ാം റാങ്കുണ്ടായിരുന്നു. എഞ്ചിനീയറിങ് കോളേജുകളുടെ ആദ്യ 100 റാങ്കിന്റെ പട്ടികയില് ഇടംപിടിച്ച മറ്റൊരു കോളേജാണ് പാട്ന എന്ഐടി- 52ാം റാങ്ക്. ആദ്യ 100 ഇന്സ്റ്റിറ്റിയൂഷനുകളുടെ ഓവറോള് ലിസ്റ്റില് ഇല്ല. ലോ കോളേജ് വിഭാഗത്തിന്റെ പട്ടികയിലും ബീഹാറില് നിന്ന് ഒരു കോളേജ് പോലും ഇടംപിടിച്ചില്ല.
കഴിഞ്ഞ വര്ഷം 156 വര്ഷം പഴക്കമുള്ള പാട്ന കോളേജിന് നാക്ക് (നാഷണല് അസെസ്മെന്റ് ആന്റ് അക്രിഡിറ്റേഷന് കൗണ്സില്) സി ഗ്രേഡ് നല്കിയിരുന്നു. പാട്ന യൂണിവേഴ്സിറ്റി എന്ന് ഒരുകാലത്ത് അറിയപ്പെട്ടിരുന്ന കോളേജാണിത്. മറ്റൊരു പ്രമുഖ കോളേജായ പാട്ന സയന്സ് കോളേജിന് ബി ഗ്രേഡ് ലഭിച്ചിരുന്നു.
Also Read: പാഠപുസ്തകത്തില് 'യു ഫോര് അഗ്ലി'; ചിത്രവും വിവാദമായി, ഒടുവില് അധ്യാപികമാര്ക്ക് സംഭവിച്ചത്
എന്ഐആര്എഫ് റാങ്കിംഗ് പ്രകൃയയില് ബീഹാറിലെ ഭൂരിഭാഗം കോളേജുകളും പങ്കെടുക്കാറില്ലെന്നതാണ് മറ്റൊരു വസ്തുത. ഇതിന് പുറമെ ആള് ഇന്ത്യ സര്വേ ഓണ് ഹയര് എഡ്യുക്കേഷനിലും കോളേജുകള് പങ്കെടുക്കാന് മടിക്കുന്നു. വിദ്യാഭ്യാസ നിലവാരം കുറവായതിനാല് ഈ റാങ്കിംഗുകളില് പങ്കെടുക്കാന് കോളേജുകള് ഭയപ്പെടുന്നു.