പുതിയ അധ്യയന വര്‍ഷം രണ്ടുമാസം വൈകിപ്പിക്കുന്നതിനുള്ള കുഹാദ് കമ്മിറ്റിയുടെ നിര്‍ദേശം യുജിസി മിക്കവാറും സ്വീകരിച്ചേക്കും. സെമസ്റ്റര്‍ എൻഡ് പരീക്ഷ ജൂലൈയിൽ നടത്തണമെന്ന് കമ്മിറ്റി നിര്‍ദേശിച്ചു.

അക്കാദമിക് ഡിഗ്രി പ്രോഗ്രാമുകൾക്കായി പൊതുപ്രവേശന പരീക്ഷകൾ നടത്തുന്നത് ഉൾപ്പെടെ രണ്ട് വിദഗ്ധ സമിതികൾ സമര്‍പ്പിച്ച ശുപാര്‍ശകൾ ചര്‍ച്ച ചെയ്യുന്നതിനായി യൂണിവേഴ്സിറ്റി ഗ്രാൻ്റ്സ് കമ്മീഷൻ തിങ്കളാഴ്ചയാണ് യോഗം ചേര്‍ന്നത്. ഹരിയാന സെൻട്രൽ യൂണിവേഴ്സിറ്റി വൈസ് ചാൻസലര്‍ ആര്‍സി കുഹാജിൻ്റെ നേതൃത്വത്തിലുള്ള സമിതിയെ 2020-21 ലെ അക്കാദമിക് കലണ്ടര്‍ നിര്‍ദേശിക്കാനും ചുമതലപ്പെടുത്തിയിട്ടുണ്ട്. ബിരുദ, ബിരുദാനന്തര തലങ്ങളിൽ പൊതു പ്രവേശന പരീക്ഷകൾ നടത്താൻ സമിതി നിര്‍ദേശിച്ചതായി ദേശീയ മാധ്യമങ്ങൾ റിപ്പോര്‍ട്ട് ചെയ്തു.

ഉന്നത വിദ്യാഭ്യാസത്തിലേക്ക് പ്രവേശിക്കുന്ന വിദ്യാര്‍ഥികൾക്ക് പ്രവേശന പ്രക്രിയ ഓഗസ്റ്റിൽ നടത്തണമെന്നും സെപ്റ്റംബറിൽ അക്കാദമിക് സെക്ഷൻ ആരംഭിക്കണമെന്നും സമിതി നിര്‍ദേശിച്ചു. ഇൻ്റര്‍മീഡിയറ്റ് ഇയര്‍ വിദ്യാര്‍ഥികൾക്കുള്ള പുതിയ അക്കാദമിക് സെഷൻ ഓഗസ്റ്റ് 1 മുതൽ ആരംഭിക്കും.

വിദ്യാര്‍ഥികൾക്കായി ഇതാ ഒരു അന്താരാഷ്ട്ര മത്സരം