കേരളത്തിൻ്റെ വികസനക്കുതിപ്പിന് വേഗതയും കരുത്തും പകരുന്ന ഊര്‍ജദായിനിയാണ് പൊതുവിദ്യാഭ്യാസ സംവിധാനം. അവയെ കാലോചിതമായി വികസിപ്പിക്കുന്നത് സമഗ്ര വിദ്യാഭ്യാസ നവീകരണ മിഷനാണ്. സ്കൂളിലെത്തുന്ന ഓരോ കുട്ടിയുടെയും സവിശേഷതകളും പരിമിതികളും തിരിച്ചറിഞ്ഞ്, വേണ്ട ഇടപെടലുകളിലൂടെ ഓരോരുത്തരുടെയും വ്യക്തിപരമായ മികവുകളും കഴിവും പരമാവധി പോഷിപ്പിക്കുകയാണ് ഇവയുടെ ലക്ഷ്യം. സങ്കേതങ്ങളുടെയും സമ്പ്രദായങ്ങളുടെയും സമന്വയത്തിലൂടെ അടുത്ത തലമുറയെ സാമൂഹിക ബോധമുള്ള പൗരരും മെച്ചപ്പെട്ട മനുഷ്യരുമായി വാര്‍ത്തെടുക്കുന്നതിനുള്ള ശ്രമമാണിതെന്ന് പറയേണ്ട കാര്യമില്ലല്ലോ.

അന്താരാഷ്ട്ര വിദ്യാഭ്യാസ ദിനമായ ഇന്ന് വിദ്യാഭ്യാസവുമായി ബന്ധപ്പെട്ട ചില മഹത്വവചനങ്ങൾ പരിചയപ്പെടാം.

1. "വിദ്യാധനം സർവ്വധനാൽ പ്രധാനം" - ഭർതൃഹരി
2. വിജ്ഞാനത്തിൻ്റെ ആദ്യ അടയാളം ശാന്ത സ്വഭാവം, രണ്ടാമത് വിനയം - ശ്രീരാമകൃഷ്ണ പരമഹംസൻ
3. "ജീവിതം തന്നെ ഒരു പാഠശാലയാണു്‌. പഠിക്കനുള്ള പല വിഷയങ്ങളും അവിടെയുണ്ട്."- മാക്സിം ഗോർക്കി
4. "ബുദ്ധിമാന്മാർക്ക് അനുഭവങ്ങൾ അദ്ധ്യാപകരാണ്."- ഷേക്സ്പിയർ
5. "ആശയങ്ങൾ ഉണ്ടാക്കുക എന്നത് പൂക്കൾ ശേഖരിക്കലാണ്. ചിന്തിക്കുന്നതാകട്ടെ, അവയെ മാലകോർക്കുന്നതും" - സ്വെറ്റ്ലൈൻ
6. "മടിയന്മാരുടെ പ്രവൃത്തി ദിവസവും മൂഢന്മാരുടെ പ്രവൃത്തി ദിവസവും എന്നും നാളെയായിരിക്കും" - യുങ്
7. പ്രകൃതിയെ പിന്തുടരലാണ് വിദ്യാഭ്യാസം - റൂസോ
8. ഒരു വ്യക്തിയിൽ കഴിയുന്നത്ര പൂർണ്ണത വളർത്തുകയാണ് വിദ്യാഭ്യാസത്തിൻ്റെ ഉന്നം - ഇമ്മാനുവൽ കേൻ്റ്
9. വിദ്യാലയത്തിൽ നിന്നും നാം പഠിച്ചതെല്ലാം മറന്നു കഴിയുമ്പോഴും നമ്മിൽ ബാക്കിയാകുന്നതാണ്‌ വിദ്യാഭ്യാസം‌ - ആൽബർട്ട് ഐൻസ്റ്റീൻ
10. ചിന്താശക്തി ബുദ്ധിശക്തിയേക്കാൾ മൂല്യമുള്ളതാണ് - ആൽബർട്ട് ഐൻസ്റ്റീൻ
11. അലസന്മാരുടെ പ്രവർത്തി ദിവസം നാളെ ആയിരിക്കും - വോൾട്ടെയർ
12. അധികാരം ഒറ്റപ്പെടുത്തുന്ന പകർച്ച വ്യാധി പോലെയാണ് തൊടുന്നതൊക്കെ ദുഷിപ്പിക്കും - ഷെല്ലി

HSE മോഡൽ പരീക്ഷ; പ്രാക്ടിക്കൽ പരീക്ഷയിലും മാറ്റം വന്നേക്കാം

ഇഷ ഫൗണ്ടര്‍ പറയുന്നു, "ശരിയായ രീതിയിലുള്ള വിദ്യാഭ്യാസമോ ഒരുമയോ കായികശേഷിയോ ലക്ഷ്യമോ ഉദ്ദേശമോ ഇല്ലാതെ, കോടിക്കണക്കിനു ജനങ്ങള്‍ ജീവിതം തള്ളിനീക്കുകയാണെങ്കില്‍ ആ രാജ്യത്തിന് അഭിവൃദ്ധിയോ ഉയര്‍ച്ചയോ(പുരോഗതിയോ) ഉണ്ടാവുകയില്ല. ഇതേയാളുകള്‍ വിദ്യാഭ്യാസമുള്ളവരും മികച്ച കായികശേഷിയും ആരോഗ്യവുമുള്ളവരും, അര്‍പ്പണബുദ്ധിയോടെ പ്രവര്‍ത്തിക്കുന്നവരുമായാല്‍, ആ നാട്ടില്‍ എന്തൊക്കെ അത്ഭുതങ്ങള്‍ സംഭവിക്കും എന്ന് ഒന്നു ചിന്തിക്കൂ. വിദ്യ, ഒരു ശക്തിയേറിയ ഉപകരണമാണ്. തന്നെപ്പോലെതന്നെ മറ്റുള്ളവരെയും സമനായി കാണാന്‍ കഴിവുള്ളയാളുകള്‍ക്കേ അതു നല്‍കാവൂ. അത്തരക്കാര്‍ക്ക് ആവശ്യമായ വിദ്യാഭ്യാസം നല്‍കി, എവിടെയും മികവോടെ പ്രവര്‍ത്തിക്കാന്‍ തക്കശേഷിയുള്ളവരായി അവരെ വാര്‍ത്തെടുക്കണം. ഇതാണ് എന്‍റെ അഭിലാഷം".