നഴ്‌സ്-കം-ഫാര്‍മസിസ്റ്റ്: അപേക്ഷ നാളെ മുതല്‍

സെപ്റ്റംബര്‍ 26 ന് ആരംഭിക്കുന്ന നഴ്‌സ്-കം ഫാര്‍മസിസ്റ്റ് (ഹോമിയോ)റഗുലര്‍ (2015 അഡ്മിഷന്‍) പരീക്ഷയ്ക്ക് അപേക്ഷ ക്ഷണിച്ചു.

നിശ്ചിത അപേക്ഷാ ഫോറം നാളെ മുതല്‍ തിരുവനന്തപുരം/കോഴിക്കോട് ഹോമിയോ മെഡിക്കല്‍ കോളേജുകളിലും കോഴിക്കോട് ഡോ. എ.കെ.ബി മിഷന്‍ ട്രസ്റ്റില്‍ നിന്നും സെപ്റ്റംബര്‍ 17 വരെ ലഭിക്കും.

പൂരിപ്പിച്ച അപേക്ഷകള്‍ പിഴയില്ലാതെ സെപ്തംബര്‍ 17 വൈകിട്ട് അഞ്ചു മണി വരെയും 10 രൂപ പിഴയോടെ സെപ്റ്റംബര്‍ 19 ന് വൈകിട്ട് അഞ്ചു മണി വരെയും സ്വീകരിക്കും.

അപേക്ഷയോടൊപ്പം പരീക്ഷാ ഫീസായി പേപ്പര്‍ ഒന്നിന് 60 രൂപയും, പ്രാക്ടിക്കല്‍ ഒന്നിന് 40 രൂപയും, മാര്‍ക്ക് ലിസ്റ്റിന് 20 രൂപയും തിരുവനന്തപുരം ഗവണ്‍മെന്റ് ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പാള്‍ ആന്റ് കണ്‍ട്രോളിംഗ് ഓഫീസറുടെ പേരില്‍ എസ്. ബി. ടി ഫോര്‍ട്ട് , തിരുവനന്തപുരം ബ്രാഞ്ചില്‍ നിന്നും മാറാവുന്ന ഡി. ഡി ആയി ഉള്ളടക്കം ചെയ്തിരിക്കണം.

അപേക്ഷകള്‍ സ്ഥാപന മേധാവി മുഖേന പ്രിന്‍സിപ്പാള്‍ ആന്റ് കണ്‍ട്രോളിംഗ് ഓഫീസര്‍, ഗവണ്‍മെന്റ് ഹോമിയോപ്പതിക് മെഡിക്കല്‍ കോളേജ്, തിരുവനന്തപുരം എന്ന വിലാസത്തില്‍ അയയ്ക്കണം. പരീക്ഷാ കേന്ദ്രം- ഗവണ്‍മെന്റ് ഹോമിയോപ്പതിക് മെഡിക്കല്‍ കോളേജ്, കോഴിക്കോട്. പരീക്ഷാ സമയം - രാവിലെ 10.00 എ. എം മുതല്‍ 12 വരെ.