GATE 2020: രജിസ്ട്രേഷന്‍ സെപ്തംബര്‍ 24 വരെ, പരീക്ഷ ഫെബ്രുവരിയില്‍

തിരുവനന്തപുരം: 2020 വര്‍ഷത്തെ ഗ്രാജ്വേറ്റ് ആപ്റ്റിറ്റ്യൂഡ് ടെസ്റ്റ് ഇന്‍ എഞ്ചിനീയറിങ് (GATE) ഷെഡ്യൂള്‍ പുറത്തിറക്കി. ഫെബ്രുവരി ഒന്ന്, രണ്ട്, എട്ട് ഒന്‍പത് തീയതികളിലാണ് പരീക്ഷ നടക്കുക. ഇരുപത്തിയഞ്ച് വിഷയങ്ങളിലാണ് പരീക്ഷ നടക്കുക. കമ്പ്യൂട്ടര്‍ അധിഷ്ഠിത പരീക്ഷയായാണ് ഗേറ്റ് പരീക്ഷകള്‍ നടത്തുന്നത്.

1500 രൂപയാണ് പരീക്ഷാ ഫീസ്. എന്നാല്‍ എസ്‍.സി, എസ്‍.ടി, ഭിന്നശേഷി, വനിതാ വിഭാഗങ്ങളിലുള്ളവര്‍ക്ക് ഫീസില്‍ ഇളവുണ്ട്. ഇവര്‍ക്ക് 750 രൂപ മാത്രം ഫീസിനത്തില്‍ അടച്ചാല്‍ മതി. 2019 സെപ്റ്റംബര്‍ മൂന്ന് മുതല്‍ 24 വരെ gate.iitd.ac.in എന്ന വെബ്‌സൈറ്റില്‍ പരീക്ഷാര്‍ത്ഥികള്‍ക്ക് ഓണ്‍ലൈനായി രജിസ്റ്റര്‍ ചെയ്യാം.

ജനുവരി മൂന്നാം തീയതി മുതല്‍ വെബ്സൈറ്റില്‍ നിന്നും അഡ്മിഷന്‍ കാര്‍ഡ് ഡൗണ്‍ലോഡ് ചെയ്യാം. മാര്‍ച്ച് 16-നാണ് പരീക്ഷാ ഫലം പ്രഖ്യാപിക്കുക. പരീക്ഷാ ഫലം പ്രഖ്യാപിച്ചതിന് ശേഷമുള്ള മൂന്ന് വര്‍ഷക്കാലയളവിലേക്കാണ് ഗേറ്റ് സ്‌കോര്‍, പ്രവേശനത്തിനായി പരിഗണിക്കുക.