എസ്എസ്എല്സി ഉത്തരക്കടലാസുകളുടെ പുനര്മൂല്യനിര്ണയത്തിനായി വിദ്യാര്ത്ഥികള്ക്ക് നാളെ മുതല് അപേക്ഷ നല്കി തുടങ്ങാം. ഇതിന് പുറമെ സൂക്ഷ്മപരിശോധന, ഫോട്ടോകോപ്പി, എന്നിവയ്ക്കുള്ള അപേക്ഷയും സ്വീകരിക്കും. ജൂലൈ എഴ് വൈകുന്നേരം അഞ്ച് വരെ അപേക്ഷകള് നല്കാം.
പുനര്മൂല്യനിര്ണയത്തിന് പേപ്പര് ഒന്നിന് 400 രൂപ ഫീസായി അടയ്ക്കണം. സൂക്ഷ്മപരിശോധനയ്ക്ക് 50 രൂപയും ഫോട്ടോകോപ്പിക്ക് 200 രൂപയുമാണ് ഫീസ്. പുനര്മൂല്യനിര്ണയം സൂക്ഷ്മപരിശോധന എന്നിവയുടെ ഫലം ജൂലൈ 22നകം പരീക്ഷാഭവന്റെ വെബ്സൈറ്റില് പ്രസിദ്ധീകരിക്കും. ഉത്തരക്കടലാസുകളുടെ ഫോട്ടോക്കോപ്പി ജൂലൈ 30നകം നല്കും.
Also Read: സര്ക്കാര് പദ്ധതികളിലേക്ക് ഇപ്പോള് അപേക്ഷിക്കാം
കൊവിഡ് 19 ന്റെ പശ്ചാത്തലത്തില് മാറ്റി വെച്ച ഫിസിക്സ്, കെമിസ്ട്രി, മാത്തമാറ്റിക്സ് എന്നീ പരീക്ഷകള് എഴുതാന് കഴിയാത്തവര്ക്ക് സെ പരീക്ഷയോടൊപ്പം റെഗുലറായി തന്നെ എഴുതാനാകും.