സിബിഎസ്ഇ പന്ത്രണ്ടാം ക്ലാസ് ഫലം പ്രഖ്യാപിച്ചു. ഫലം വരുമെന്ന് അറിയിച്ചിരുന്ന ദിവസത്തിലും രണ്ടു ദിവസം മുമ്പാണ് വന്നിരിക്കുന്ന്. cbseresults.nic.in എന്ന വെബ്‌സൈറ്റില്‍ ഫലം അറിയാം.
കൊവിഡ് 19ന്റെ പശ്ചാത്തലത്തില്‍ ബാക്കിയുള്ള പരീക്ഷകള്‍ റദ്ദാക്കി ജൂലൈ 15 ന് ഫലം പ്രഖ്യാപിക്കുമെന്ന് സിബിഎസ്ഇ സുപ്രീം കോടതിയെ അറിയിച്ചുരുന്നു. പരീക്ഷകള്‍ നടത്താതെ ആള്‍ട്ടര്‍നേറ്റീവ് അസെസ്‌മെന്റ് സ്‌കീം വഴിയാണ് ഫലം പ്രഖ്യാപിച്ചത്. എഴുതിയ പരീക്ഷകളുടെ മാര്‍ക്കിന്റെ ശരാശരി കണക്കാക്കി മാര്‍ക്കിടുന്ന രീതിയാണ്.
മുന്‍ വര്‍ഷങ്ങളെ പോലെ തന്നെ ആര്‍ട്‌സ്, കൊമേഴ്‌സ്, സയന്‍സ് സ്ട്രീമുകളിലുള്ള വിദ്യാര്‍ത്ഥികളുടെ ഫലം ഒരേദിവസം തന്നെയാണ് പ്രഖ്യാപിച്ചത്. 12,03,595 പേരാണ് ഇത്തവണ സിബിഎസ്ഇ പന്ത്രണ്ടാം പരീക്ഷയ്ക്ക് രജിസ്റ്റര്‍ ചെയ്തത്. ഇതില്‍ 11,92,961 പേര്‍ പരീക്ഷയെഴുതി. 10,59,080 വിദ്യാര്‍ത്ഥികള്‍ വിജയിച്ചു. 88.78 ആണ് വിജയശതമാനം.