പത്താം ക്ലാസ്, പന്ത്രണ്ടാം ക്ലാസ് കമ്പാര്ട്ട്മെന്റ് പരീക്ഷകള് സെപ്റ്റംബര് അവസാനം നടത്തുമെന്ന് സി.ബി.എസ്.ഇ സുപ്രീം കോടതിയെ അറിയിച്ചു. പരീക്ഷാ കേന്ദ്രങ്ങള് 1,278 ആയി വര്ദ്ധിപ്പിച്ചിട്ടുണ്ടെന്നും സി.ബി.എസ്.ഇ അറിയിച്ചു.
Also Read: ഇനി 'ക്ലാറ്റിനെ' ആശ്രയിക്കാനാവില്ല; NSLIU സ്വന്തമായി പ്രവേശന പരീക്ഷ നടത്തും
കമ്പാര്ട്ട്മെന്റ് പരീക്ഷ റദ്ദാക്കണമെന്നാവശ്യപ്പെട്ട് വിദ്യാര്ത്ഥികളുടെ അപേക്ഷയില് സത്യവാങ്മൂലം സമര്പ്പിക്കാന് സുപ്രീം കോടതി സിബിഎസ്ഇക്ക് നിര്ദേശം നല്കി. കൊവിഡ് 19 ന്റെ സാഹചര്യത്തില് പരീക്ഷകള് നടത്തുന്നത് സംബന്ധിച്ച് സിബിഎസ്ഇയില് നിന്ന് സുപ്രീം കോടതി വിശദീകരണം തേടിയിട്ടുണ്ട്. സുപ്രീംകോടതി ബെഞ്ച് വെള്ളിയാഴ്ച ഹര്ജി തള്ളുകയും സെപ്റ്റംബര് 10 ന് വാദം കേള്ക്കുമെന്നും അറിയിച്ചു.