CBSE Result 2020: ഡിജിറ്റല്‍ മൈഗ്രേഷന്‍ സര്‍ട്ടിഫിക്കറ്റ് എങ്ങനെ ലഭിക്കും?
സിബിഎസ്ഇ ഫലം പ്രഖ്യാപിക്കുന്നതിന് പിന്നാലെ മാര്‍ക്ക് ഷീറ്റ്, മൈഗ്രേഷന്‍ സര്‍ട്ടിഫിക്കറ്റ് എന്നിവ ഡിജിറ്റലായി ലഭിക്കും
Samayam Malayalam 11 Jul 2020, 11:22 am
സിബിഎസ്ഇ പത്താം ക്ലാസ്, പന്ത്രണ്ടാം ക്ലാസ് ഫലം പ്രഖ്യാപിക്കുന്നതിന് പിന്നാലെ തുടര്‍പഠനത്തിനായുള്ള മൈഗ്രേഷന്‍ സര്‍ട്ടിഫിക്കറ്റ് വിദ്യാര്‍ത്ഥികള്‍ക്ക് ലഭ്യമാക്കിത്തുടങ്ങും.
സിബിഎസ്ഇയുടെ ഔദ്യോഗിക വെബ്‌സൈറ്റായ cbse.nic.in ലും റിസള്‍ട്ട് പോര്‍ട്ടലായ cbseresults.nic.in ലും ഫലം അറിയാന്‍ സാധിക്കും. ജയിച്ച വിദ്യാര്‍ത്ഥികള്‍ക്ക് മാത്രമെ മൈഗ്രേഷന്‍ സര്‍ട്ടിഫിക്കറ്റിനായി അപേക്ഷിക്കാന്‍ കഴിയുകയുള്ളൂ. വിദ്യാര്‍ത്ഥികള്‍ക്ക് ഡിജിലോക്കര്‍ വഴി ഡിജിറ്റലായി മൈഗ്രേഷന്‍ സര്‍ട്ടിഫിക്കറ്റ് ലഭിക്കും. ഓണ്‍ലൈനായി ഡിജിലോക്കര്‍ സേവനം ഉപയോഗിക്കുകയോ ഡിജിലോക്കര്‍ ആപ്പ് മൊബൈലില്‍ ഡൗണ്‍ലോഡ് ചെയ്യുകയോ ചെയ്യാം. പാസ് സര്‍ട്ടിഫിക്കറ്റും മാര്‍ക്ക് ഷീറ്റും വിദ്യാര്‍ത്ഥികള്‍ക്ക് ഡിജിലോക്കര്‍ വഴി ഡൗണ്‍ലോഡ് ചെയ്യാന്‍ സാധിക്കും.
ഡിജിലോക്കര്‍ സൗകര്യം ഉപയോഗിക്കാന്‍ ഡിജിലോക്കറില്‍ ആദ്യം ആധാര്‍ നമ്പര്‍ ഉപയോഗിച്ച് അക്കൗണ്ട് തുടങ്ങണം. മൊബൈല്‍ നമ്പറോ ആധാര്‍ നമ്പറോ യൂസര്‍ നെയിമോ ഉപയോഗിച്ച് ലോഗിന്‍ ചെയ്യാം. കൊവിഡ് 19 ന്റെ സാഹചര്യത്തില്‍ നീട്ടി വെച്ച പത്ത്, പ്ലസ്ടു പരീക്ഷകള്‍ പിന്നീട് റദ്ദാക്കുകയായിരുന്ന. വിദ്യാര്‍ത്ഥികള്‍ എഴുതിയ പരീക്ഷയുടെ അടിസ്ഥാനത്തിലായിരിക്കും ഫലം പ്രഖ്യാപിക്കുക.
Also Read: മെഡിക്കല്‍ ഡെന്റല്‍ പിജി രണ്ടാംഘട്ട അലോട്ട്‌മെന്റ്
സിബിഎസ്ഇ പത്താം ക്ലാസ്, പന്ത്രണ്ടാം ക്ലാസ് ഫലങ്ങള്‍ പുറത്തു വിടുമെന്നാണ് റിപ്പോര്‍ട്ടുകള്‍.