ഇന്റഗ്രേറ്റഡ് പഞ്ചവത്സര എല്‍എല്‍ബി പ്രവേശനത്തിനുള്ള ഒന്നാം ഘട്ട കേന്ദ്രീകൃത അലോട്ട്‌മെന്റ് ലിസ്റ്റ് പ്രസിദ്ധീകരിച്ചു. സംസ്ഥാനത്തെ നാല് ഗവണ്‍മെന്റ് ലോ കോളേജിലെയും ഏഴ് സ്വകാര്യ സ്വാശ്രയ ലോ കോളേജുകളിലേക്കുമുള്ള പ്രവേശനത്തിനുള്ള പട്ടികയാണിത്. ലിസ്റ്റ് പരിശോധിക്കാന്‍ www.cee.kerala.gov.in എന്ന വെബ്‌സൈറ്റ് സന്ദര്‍ശിക്കുക.
അലോട്ട്‌മെന്റില്‍ പേരുള്ളവര്‍ക്ക് ഫീസയ്ച്ച് സീറ്റ് ഉറപ്പാക്കാം. ഇതിനായി എന്‍ട്രന്‍സ് കമ്മീഷണറുടെ സൈറ്റില്‍ Payment of fee and Virtual Admission എന്ന ലിങ്കില്‍ ക്ലിക്ക് ചെയ്ത് പ്രവേശന കമ്മീഷണറുടെ പേര്‍ക്ക് Candidate Portal ല്‍ പറഞ്ഞിരിക്കുന്ന ഫീസ് ഓണ്‍ലൈനായി അടച്ച് വിദ്യാര്‍ത്ഥികള്‍ക്ക് Virtual Admission എടുക്കാം.
പട്ടികജാതി/ പട്ടിക വര്‍ഗ/ ഒഇസി വിദ്യാര്‍ത്ഥികള്‍ ടോക്കണ്‍ ഫീ ആയി 600 രൂപ അടച്ച് Virtual Admission നിലൂടെ അവരവരുടെ സീറ്റ് ഉറപ്പാക്കണം. ഈ വിഭാഗത്തില്‍പ്പെടുന്ന വിദ്യാര്‍ത്ഥികള്‍ സംവരണം ലഭിക്കാനുള്ള ആവകാശവാദം തെളിയിക്കാത്ത പക്ഷം ജനറല്‍ വിഭാഗത്തിന് ബാധകമായ ഫീസ് അടയ്‌ക്കേണ്ടി വരും. ഓഗസ്റ്റ് 26ന് വൈകുന്നേരം നാലിന് മുമ്പായി Virtual Admission നേടിയിരിക്കണം. അല്ലാത്ത പക്ഷം നിലവിലെ അലോട്ട്‌മെന്റും എല്ലാ ഓപ്ഷനുകളും റദ്ദാകും.
Also Read: മോഡല്‍ റസിഡന്‍ഷ്യല്‍ സ്‌കൂളില്‍ പ്ലസ് വണ്‍ പ്രവേശനം
അലോട്ട്‌മെന്റ് ലിസ്റ്റിലുള്ള വിദ്യാര്‍ത്ഥികള്‍ Virtual Admission നിലൂടെ അവരവരുടെ സീറ്റുകള്‍ ഉറപ്പാക്കുകയാണ് വേണ്ടത്. അലോട്ട്‌മെന്റ് ലഭിച്ച കോളേജില്‍ നേരിട്ട് ഹാജരാകേണ്ടതില്ല. രണ്ടാംഘട്ട അലോട്ട്‌മെന്റില്‍ വിദ്യാര്‍ത്ഥികള്‍ അവരവര്‍ക്ക് ലഭിച്ചിട്ടുള്ള കോളേജുകളില്‍ ഹാജരായി പ്രവേശനം നേടണം.
Also Read: വിദ്യാര്‍ത്ഥികള്‍ക്ക് ലാപ്ടോപ്പ് വാങ്ങുന്നതിന് വായ്പാ പദ്ധതി
രണ്ടാം ഘട്ട അലോട്ട്‌മെന്റ് പ്രസിദ്ധീകരിക്കുന്ന തീയതി പിന്നീട് അറിയിക്കും.