ജെ.ഇ.ഇ അഡ്വാന്സ്ഡ് 2020 പരീക്ഷയുടെ ഫലം ഡല്ഹി ഐ.ഐ.ടി പ്രഖ്യാപിച്ചു. ഔദ്യോഗിക വെബ്സൈറ്റായ jeeadv.ac.in സന്ദര്ശിച്ചാല് ഫലം ലഭ്യമാകും. ജെ.ഇ.ഇ അഡ്വാന്സ്ഡ് ആപ്ലിക്കേഷന് നമ്പറും പാസ്വേര്ഡും എന്റര് ചെയ്ത് ലോഗിന് ചെയ്ത് ഫലമറിയാന് സാധിക്കും.
സ്കോര് കാര്ഡിന്റെ രൂപത്തിലാണ് ഫലം വന്നിരിക്കുന്നത്. വിദ്യാര്ത്ഥികള്ക്ക് ഫിസിക്സ്, കെമിസ്ട്രി, മാത്സ് എന്നിങ്ങനെ ഓരോ വിഷയത്തിന്റെയും മാര്ക്കുകള് അറിയാന് കഴിയും. ഒപ്പം, പേപ്പര്1, പേപ്പര്2, എന്നിവയുടെ മൊത്തത്തിലുള്ള സ്കോറും അറിയാം. സെപ്റ്റംബര് 12നായിരുന്നു ജെ.ഇ.ഇ അഡ്വന്സ്ഡ് പരീക്ഷ. നാഷണല് ടെസ്റ്റിങ് ഏജന്സിക്കായിരുന്നു പരീക്ഷയുടെ നടത്തിപ്പ് ചുമതല.
Also Read: World Teacher's Day 2020: ചരിത്രം ഇങ്ങനെ
രാജ്യത്തെ 222 നഗരങ്ങളിലായി 1001 കേന്ദ്രങ്ങളില് കൊവിഡ് 19 സുരക്ഷാ മാനദണ്ഡങ്ങള് പാലിച്ച് പരീക്ഷ നടത്തി. പരീക്ഷയ്ക്കായി രജിസ്റ്റര് ചെയ്തതില് 96 ശതമാനം പേരും പരീക്ഷയെഴുതി. 1,51,311 പേര് പേപ്പര് 1 പരീക്ഷയെഴുതിയപ്പോള് 1,50,900 പേര് പേപ്പര് 2 പരീക്ഷയെഴുതി.