മെഡിക്കൽ പ്രവേശന പരീക്ഷയായ നീറ്റിന്റെ ഉത്തരസൂചിക ഒക്ടോബർ 10 കഴിഞ്ഞ് പ്രസിദ്ധീകരിച്ചേക്കും. നാഷണൽ ടെസ്റ്റിംഗ് എജൻസി നീറ്റ് രണ്ടാം ഘട്ടത്തിന്റെ രജിസ്ട്രേഷൻ ആരംഭിച്ചിട്ടുണ്ട്. ഒക്ടോബർ 10 വരെയാണ് രജിസ്ട്രേഷനുള്ള സമയം. ഇത് കഴിഞ്ഞാലുടൻ ഉത്തരസൂചിക പ്രസിദ്ധീകരിക്കുമെന്ന് പ്രതീക്ഷിക്കാം. വിശദ വിവരങ്ങൾ അറിയാൻ വിദ്യാർത്ഥികൾക്ക് ഔദ്യോഗിക വെബ്സൈറ്റായ neet.nta.nic.in സന്ദർശിക്കാം. നീറ്റ് ഉത്തരസൂചിക വന്നാൽ വിദ്യാർത്ഥികൾക്ക് 4 മുതൽ 5 ദിവസം വരെ പരാതി ബോധിപ്പിക്കാൻ സമയം നൽകും. പരാതികൾ പരിഗണിച്ചതിന് ശേഷം അന്തിമ ഉത്തരസൂചികയും ഫലവും പ്രഖ്യാപിക്കും. പരാതി ബോധിപ്പിക്കാൻ ചോദ്യമൊന്നിന് 1000 രൂപ എന്ന നിരക്കിൽ ഓൺലൈനായി അടയ്ക്കണം.
അതേസമയം നീറ്റ് യു.ജി പ്രവേശന പരീക്ഷ റദ്ദാക്കണമെന്നാവശ്യപ്പെട്ട് നൽകിയ ഹർജി സുപ്രീം കോടതി കഴിഞ്ഞ ദിവസം തള്ളി. ചോദ്യ പേപ്പർ ചോർന്നുവെന്ന ആരോപണം ഉയരുകയും പരീക്ഷ റദ്ദാക്കണെന്ന് ഹർജി സമർപ്പിക്കുകയും ചെയ്തിരുന്നു.
അതേസമയം നീറ്റ് യു.ജി പ്രവേശന പരീക്ഷ റദ്ദാക്കണമെന്നാവശ്യപ്പെട്ട് നൽകിയ ഹർജി സുപ്രീം കോടതി കഴിഞ്ഞ ദിവസം തള്ളി. ചോദ്യ പേപ്പർ ചോർന്നുവെന്ന ആരോപണം ഉയരുകയും പരീക്ഷ റദ്ദാക്കണെന്ന് ഹർജി സമർപ്പിക്കുകയും ചെയ്തിരുന്നു.