നാഷണല് എന്ട്രന്സ് സ്ക്രീനിങ് ടെസ്റ്റ് (നെസ്റ്റ്) പരീക്ഷയുടെ ഫലം ഇന്ന് പ്രഖ്യാപിക്കും. പ്രവേശന പരീക്ഷയെഴുതിയ വിദ്യാര്ത്ഥികള്ത്ത് നെസ്റ്റിന്റെ ഔദ്യോഗിക വെബ്സൈറ്റായ nestexam.in സന്ദര്ശിച്ച് ഫലം പരിശോധിക്കാവുന്നതാണ്. ഫലത്തിനോടൊപ്പം സ്കോര് കാര്ഡും പ്രസിദ്ധീകരിക്കും. സെപ്റ്റംബര് 29നാണ് നെസ്റ്റ് പരീക്ഷ നടന്നത്.
നേരത്തെ ഒക്ടോബര് 12 ന് ഫലം പ്രസിദ്ധീകരിക്കുമെന്നാണ് അറിയിച്ചിരുന്നത്. എന്നാല് ഫലം ഇന്ന് വരുമെന്ന് പിന്നീട് അറിയിപ്പ് വന്നു. ഫലം പരിശോധിക്കാന് ആദ്യം nestexam.in എന്ന വെബ്സൈറ്റ് സന്ദര്ശിക്കുക. ഹോംപേജില് NEST Result 2020 എന്ന ലിങ്ക് കാണാം. അതില് ക്ലിക്ക് ചെയ്യുമ്പോള് ലോഗിന് വിവരങ്ങള് നല്കാനുള്ള മറ്റൊരു വിന്ഡോ വരും. ലോഗിന് വിവരങ്ങള് നല്കുന്നതോടെ നെസ്റ്റ് ഫലം സ്ക്രീനില് തെളിയും. ഫലം പരിശോധിച്ച് ഡൗണ്ലോഡ് ചെയ്ത് പ്രിന്റെടുത്ത് സൂക്ഷിക്കുക.
അഞ്ച് വര്ഷം ദൈര്ഘ്യമുള്ള ഇന്റഗ്രേറ്റഡ് എം.എസ്.സി കോഴ്സുകളിലേക്കുള്ള പ്രവേശനത്തിനായാണ് നെസ്റ്റ് ഓണ്ലൈന് കംപ്യൂട്ടര് അധിഷ്ഠിത പ്രവേശന പരീക്ഷ സംഘടിപ്പിക്കുന്നത്. ഭുവനേശ്വറിലെ നാഷണല് ഇന്സ്റ്റിറ്റ്യൂട്ട് ഓഫ് സയന്സ് എജ്യുക്കേഷന് ആന്ഡ് റിസര്ച്ചിലേക്കും (NISER), മുംബൈ സര്വകലാശാലയിലെ ഡിപ്പാര്ട്ട്മെന്റ് ഓഫ് അറ്റോമിക് എനര്ജി സെന്റര് ഫോര് എക്സലന്സ് ഇന് ബേസിക് സയന്സസിലേക്കും (UM-DAE CEBS) ബയോളജി, കെമിസ്ട്രി, മാത്തമാറ്റിക്സ്, ഫിസിക്സ് എന്നീ വിഷയങ്ങളിലുള്ള ഇന്റഗ്രേറ്റഡ് എം.എസ്.സി കോഴ്സുകളിലേക്കാണ് നെസ്റ്റ് പരീക്ഷയിലൂടെ പ്രവേശനം നടത്തുന്നത്.
Also Read: NEET Re Exam 2020: അറിഞ്ഞിരിക്കേണ്ട കാര്യങ്ങള്
ഇന്റഗ്രേറ്റഡ് എം.എസ്.സി 2020-25 ബാച്ചിലേക്ക് NISER ല് 200 സീറ്റും CEBS ല് 57 സീറ്റുമാണുള്ളത്.