ബാലകൃഷി ശാസ്ത്ര കോണ്‍ഗ്രസ്: പ്രബന്ധങ്ങള്‍ ക്ഷണിച്ചു

തിരുവനന്തപുരം: ജവഹര്‍ ബാലഭവനില്‍ നടക്കുന്ന കേരള ബാല കൃഷി ശാസ്ത്ര കോണ്‍ഗ്രസിലേക്ക് പ്രബന്ധങ്ങളുടെ സംക്ഷിപ്തം ക്ഷണിച്ചു. കുട്ടികളുടെ ക്രിയാത്മകചിന്തയും, പഠനശേഷിയും, സര്‍ഗാത്മകതകയും കാര്‍ഷികമേഖലയ്ക്ക് കൂടി പ്രയോജനപ്പെടുത്താനും, കൃഷിയോട് ആഭിമുഖ്യമുള്ള പുതുതലമുറയെ സൃഷ്ടിക്കുകയുമെന്നതാണ് ബാലകൃഷി ശാസ്ത്ര കോണ്‍ഗ്രസിന്റെ പ്രധാന ലക്ഷ്യങ്ങള്‍.

കുട്ടികളുടെ വീക്ഷണകോണില്‍ നിന്നു കൊണ്ടായിരിക്കും എല്ലാ പ്രവര്‍ത്തനങ്ങളും സംഘടിപ്പിക്കുക. കാര്‍ഷികമേഖലയിലെ പ്രമുഖന്മാരുമായി അടുത്തിടപിഴകാനും വിവിധതരം കൃഷി രീതികള്‍ പഠിക്കാനും ബാല കൃഷി ശാസ്ത്ര കോണ്‍ഗ്രസ് വേദിയാകും.

എയ്ഡഡ്, അണ്‍ എയ്ഡഡ്, സി.ബി.എസ്.ഇ., ഐ.സി.എസ്.ഇ. എന്ന വ്യതാസമില്ലാതെ എല്ലാ വിദ്യാര്‍ത്ഥികള്‍ക്കും അവസരമുണ്ടാകും. പ്രബന്ധങ്ങള്‍ അവതരിപ്പിക്കാന്‍ ആഗ്രഹിക്കുന്ന വിദ്യാര്‍ത്ഥികള്‍ അവര്‍ അവതരിപ്പിക്കാന്‍ ഉദ്ദേശിക്കുന്ന വിഷയത്തിന്റെ ലഘുവിവരണം അവരവരുടെ സ്‌കൂളുകളിലെ പ്രിന്‍സിപ്പാളിന്റെ സമ്മതപത്രത്തോടു കൂടി അയച്ചു തരേണ്ടതാണ്.

www.cissa.co.in എന്ന വെബ് സൈറ്റില്‍ നിന്ന് അപേക്ഷ ഫോമുകള്‍ ഡൗണ്‍ലോഡ് ചെയ്ത് പൂരിപ്പിച്ച്, ലഘുവിവരണത്തിനൊപ്പം ഡിസംബര്‍ 22 2016 നുള്ളില്‍ അപ് ലോഡ് ചെയ്യേണ്ടതാണ്,