എസ്.എസ്.എല്‍.സി. പരീക്ഷാഫലം ഇന്ന്

എസ്.എസ്.എല്‍.സി. പരീക്ഷാഫലം ഇന്നു പ്രഖ്യാപിക്കും. രാവിലെ 11നു ചീഫ് സെക്രട്ടറി പി.കെ. മൊഹന്തിയാണ് ഫലം പ്രഖ്യാപിക്കുക. ഇത്തവണയും മോഡറേഷന്‍ ഉണ്ടാവില്ല. 4,74,267 വിദ്യാര്‍ഥികളാണ് എസ്.എസ്.എല്‍.സി. പരീക്ഷ എഴുതിയത്.

ഔദ്യോഗിക ഫലപ്രഖ്യാപനം നടത്തി നിമിഷങ്ങള്‍ക്കകം സംസ്ഥാനത്തെ എല്ലാ എസ്.എസ്.എല്‍.സി. പരീക്ഷാകേന്ദ്രങ്ങളിലും ഫലം ലഭ്യമാക്കുന്നതിനുള്ള സംവിധാനങ്ങളും ക്രമീകരിച്ചിട്ടുണ്ട്. പൊതുവിദ്യാഭ്യാസ ഡയറക്ടറുടെ നിര്‍ദേശാനുസരണം ഐടി സ്കൂള്‍ പ്രോജക്ടാണ് ഫലം അറിയാനുള്ള സംവിധാനങ്ങള്‍ സജ്ജമാക്കിയത്. സഫലം 2016 ആന്‍ഡ്രോയിഡ് ആപ്ലിക്കേഷന്‍ ഗൂഗിള്‍ പ്ലേസ്റ്റോറില്‍നിന്ന് ഡൗണ്‍ലോഡ് ചെയ്യാം.