ചോദ്യപേപ്പറിലെ പിശക്: വിദ്യാർഥികളുടെ മാര്‍ക്ക് പോകില്ല

തിരുവനന്തപുരം: ഹയര്‍സെക്കന്‍ഡറി, 10-ാം ക്ലാസ് പൊതുപരീക്ഷകളിലെ ചോദ്യപേപ്പറിലുണ്ടായ തെറ്റുകൾ മൂലം വിദ്യാർഥികളുടെ മാർക്ക് കുറയരുതെന്ന് വിദ്യാഭ്യാസമന്ത്രി സി. രവീന്ദ്രനാഥ് പറഞ്ഞു. സിലബസില്‍ ഇല്ലാത്തതും ബുദ്ധിമുട്ടേറിയതുമായ ചോദ്യങ്ങള്‍ വന്നത് പോരായ്മയാണെന്നും മന്ത്രി വ്യക്തമാക്കി.

ഇതേ തുടർന്ന് കുട്ടികൾക്ക് ബുദ്ധിമുട്ട് വരില്ലെന്നും അവര്‍ക്ക് മാര്‍ക്ക് നഷ്ടംവരാതെ നോക്കുമെന്നും അദ്ദേഹം ഉറപ്പ് നൽകി. കുട്ടികളെ ഭയപ്പെടുത്താനോ, അവര്‍ക്ക് എന്താണെറിയാത്തതെന്ന് നോക്കാനോ അല്ല പരീക്ഷ. അവരെ അറിയാനുള്ളതാണെന്നും മന്ത്രി പറഞ്ഞു.

ചോദ്യപേപ്പര്‍ തയ്യാറാക്കാൻ കോളേജ് അധ്യാപകരെ ഏൽപ്പിച്ചതാണ് പ്രശ്നകാരണമെന്ന് കരുതപ്പെടുന്നു. ഈ വിഷയത്തെ സംബന്ധിച്ച് ഉന്നതോദ്യോഗസ്ഥർ ചേർന്ന യോഗത്തിൽ ഹയര്‍ സെക്കന്‍ഡറി ഡയറക്ടര്‍, ഡി.പി.ഐ., പരീക്ഷാ സെക്രട്ടറി തുടങ്ങിയവര്‍ പങ്കെടുത്തു.

Students marks wont be reduced says Kerala Education Minister

SSLC,Higher secondary exams: Students marks wont be reduced says Kerala Education Minister C. Raveendranath