ചാച്ചാജിയുടെ ജീവിതം
നവംബര്‍ 14 ശിശുദിനമായി ആചരിക്കുന്നത് ജവഹര്‍ലാല്‍ നെഹ്‌റുവിന്റെ ജന്മിദിനത്തിന്റെ ഓര്‍മ്മയ്ക്കാണല്ലോ. നെഹ്‌റുവുമായി ബന്ധപ്പെട്ട കാര്യങ്ങളും അദ്ദേഹം രാജ്യത്തിന് നല്‍കിയ സംഭാവനകളെയും കുറിച്ചുള്ള വിവരങ്ങള്‍ ശേഖരിക്കാം. സ്വാതന്ത്ര്യം ലഭിക്കുന്നതിനായി പോരാടിയ നേതാക്കളില്‍ ഒരാളായിരുന്നു. ഒപ്പം, അദ്ദേഹം വിദ്യാര്‍ത്ഥിയായിരുന്നപ്പോളുള്ളതും യുവാവായപ്പോള്‍ നടന്നതുമായ കാര്യങ്ങള്‍ എന്താക്കെയാണെന്ന് നോക്കാം. ജീവിതത്തില്‍ അദ്ദേഹം കൈവരിച്ച നേട്ടങ്ങളെക്കുറിച്ചും പ്രധാന മന്ത്രിയായിരിക്കെ ചെയ്ത പ്രവര്‍ത്തനങ്ങളെക്കുറിച്ചും സംസാരിക്കാം.
ശിശു ദിനത്തിന്റെ പ്രത്യേകതകള്‍
രാജ്യത്ത് ശിശു ദിനം ആഘോഷിക്കുന്നതിന് പിന്നിലെ കാര്യം എന്താണെന്ന് വ്യക്തമാക്കാം. ശിശു ദിനം രാജ്യത്ത് എങ്ങനെ ആഘോഷിക്കപ്പെടുന്നു എന്നതും പ്രസംഗത്തില്‍ ഉള്‍പ്പെടുത്തുക. സര്‍ക്കാര്‍ ഈ ദിനത്തില്‍ നടത്തുന്ന പരിപാടികളെ കുറിച്ച് ഒരു കുറിപ്പുണ്ടാക്കുക. ഇതിനോടൊപ്പം വ്യക്തിപരമായ കഥകളും അനുഭവങ്ങളുമുണ്ടെങ്കില്‍ അതും ഉള്‍പ്പെടുത്താം.
സമയത്തിന്‍റെ പ്രാധാന്യവുമായി റോഷന്‍ ശിവഹരി
സമൂഹത്തില്‍ കുട്ടികള്‍ക്കുള്ള പ്രാധാന്യം
രാജ്യത്ത് അവരുടെ കഴിവുകളാല്‍ അംഗീകാരം ലഭിച്ചിട്ടുള്ള കുട്ടികളെക്കുറിച്ച് പറയാം. സ്വന്തം പ്രവര്‍ത്തികള്‍ മറ്റുള്ളവര്‍ക്കും പ്രചോദനമായിട്ടുള്ള സംഭവങ്ങള്‍ ഓര്‍ത്ത് പറയുക. പ്രകൃതി സംരക്ഷണമടക്കമുള്ള കാര്യങ്ങള്‍ക്ക് കുട്ടികള്‍ക്ക് തങ്ങളാല്‍ കഴിയുന്ന എന്തൊക്കെ കാര്യങ്ങള്‍ ചെയ്യാന്‍ കഴിയും എന്നതിനെക്കുറിച്ച് സംസാരിക്കുന്നതും നല്ല ആശയമാണ്. കുട്ടികള്‍ എങ്ങനെ ഒരു നല്ല ഇന്ത്യന്‍ പൗരനായി മാറണം എന്നതിനെക്കുറിച്ചുള്ള ആശയങ്ങളും നല്‍കാം.
സമയത്തിന്‍റെ പ്രാധാന്യവുമായി ഇഷ ബിനു
നെഹ്‌റുവിന്റെ വാക്കുകള്‍
ശ്രോതാക്കളെ പിടിച്ചിരുത്തുന്ന തരത്തില്‍ ഒരു പ്രസംഗം തയ്യാറാക്കണമെങ്കില്‍ അദ്ദേഹത്തിന്റെ പ്രസംഗങ്ങളും വാക്കുകളും ഉള്‍പ്പെടുത്തുക. പ്രത്യേക ശൈലിയില്‍ ആവേശത്തോടെ അത് അവതരിപ്പിക്കാന്‍ സാധിക്കും. കൈയടി നേടിത്തരാന്‍ അതു മതി. അദ്ദേഹം സംസാരിക്കുന്നതു പോലെ സംസാരിക്കുക. ഒപ്പം അതിന്റെ വ്യാഖ്യാനങ്ങളും നല്‍കാം. നെഹ്‌റുവിനെ ചാച്ചാജി എന്ന് വിശേഷിപ്പിക്കുന്നത് എന്തുകൊണ്ടാണെന്നും വ്യക്തമാക്കാം.
സമയത്തിന്‍റെ പ്രാധാന്യവുമായി നന്ദ കിഷോര്‍
വിദ്യാഭ്യാസ മേഖയിലെ സംഭാവനകള്‍
രാജ്യത്തെ വിദ്യാഭ്യാസ മേഖലയ്ക്ക് ജവഹര്‍ലാല്‍ നെഹ്‌റു നല്‍കിയ സംഭാവകളെക്കുറിച്ച് പ്രസംഗം തയ്യാറാക്കാം. പ്രധാന മന്ത്രിയായിരിക്കെ നിലവില്‍ വന്ന പദ്ധതികളെക്കുറിച്ച് സംസാരിക്കാം. രാജ്യത്തെ വിദ്യാഭ്യാസ മേഖലയെ ഉയരങ്ങളിലെത്തിക്കാന്‍ അദ്ദേഹം വഹിച്ച പങ്കിനെക്കുറിച്ചും വ്യക്തമായ ധാരണകള്‍ നല്‍കാം. ഇന്നും രാജ്യം അവ പിന്തുടരുന്നുണ്ടെങ്കില്‍ അതിനെക്കുറിച്ചും പോയിന്റുകള്‍ തയ്യാറാക്കാവുന്നതാണ്.