എന്നാണ് സ്റ്റാറ്റിസ്റ്റിക്സ് ദിനം?
എല്ലാ വർഷവും ജൂൺ 29ന് ദേശീയ സ്റ്റാറ്റിസ്റ്റിക്സ് ദിനം ആഘോഷിക്കുന്നു. ഇന്ത്യൻ സാമ്പത്തിക ശാസ്ത്രജ്ഞനും സ്റ്റാറ്റിസ്റ്റീഷ്യനുമായിരുന്ന പി.സി മഹലനോബിസിന്റെ ജന്മദിനമാണ് ജൂൺ 29. അദ്ദേഹത്തിന്റെ സമ്പദ് വ്യവസ്ഥയിലെ ആസൂത്രണത്തിനും സ്റ്റാറ്റിസ്റ്റിക്കൽ വികസനത്തിനും നൽകിയ സംഭാവനകൾ അനുസ്മരിക്കുകയാണ് പ്രധാന ലക്ഷ്യം.
പ്രാധാന്യം
മഹലനോബിസ് നൽകിയിട്ടുള്ള സംഭാനകളുടെ ഓർമ്മപ്പെടുത്തലാണ് ദേശീയ സ്റ്റാറ്റിസ്റ്റിക്സ് ദിനം ആഘോഷിക്കുന്നതിലൂടെ ലക്ഷ്യമിടുന്നത്. സാമൂഹിക സാമ്പത്തിക ആസൂത്രണം, പദ്ധതി നിർമ്മാണം എന്നിവയിൽ മഹനലോബിസ് നൽകിയ സംഭാവനകൾ ചെറുതല്ല. ഇന്ത്യയിലെ യുവതലമുറയ്ക്ക് ഇതിനെപ്പറ്റി അവബോധം നൽകുക എന്നതാണ് ഈ ദിനം ആഘോഷിക്കുന്നതിലൂടെ പ്രധാനമായും ലക്ഷ്യം വയ്ക്കുന്നത്.
ചരിത്രം
സാമ്പത്തികാസൂത്രണത്തിലും സ്റ്റാറ്റിസ്റ്റിക്കൽ വികസനത്തിലും സ്വാതന്ത്രിയാനന്തരം നൽകിയിട്ടുള്ള സംഭാനകൾ ഇന്ത്യയിലെ യുവജനങ്ങളിലേക്കെത്തിക്കാനാണ് മഹലനോബിസിന്റെ ജന്മദിനമായ ജൂൺ 29 ദേശീയ സ്റ്റാറ്റിസ്റ്റിക്സ് ദിനമായി ആഘോഷിക്കാൻ തീരുമാനിക്കുന്നത്. 2007 ജൂൺ 5നാണ് ഈ ദിനം ദേശീയ സ്റ്റാറ്റിസ്റ്റിക്സ് ദിനമായി ആഘോഷിക്കാൻ തീരുമാനമായത്.
വിവിധ പരിപാടികൾ
രാജ്യമെമ്പാടും സാമ്പത്തിക മേഖലയുമായി ബന്ധപ്പെട്ട് വിവിധ തരത്തിലുള്ള പരിപാടികൾ സംഘടിപ്പാക്കാറുണ്ട്. സെമിനാറുകൾ, ചർച്ചകൾ, മത്സരങ്ങൾ എന്നിവ ദേശീയ തലത്തിലും സംസ്ഥാന തലത്തിലുമൊക്കെ നടക്കുന്നു. സർക്കാർ സ്റ്റാറ്റിസ്റ്റിക്സിന്റെയും ദേശീയ വികസനത്തിന്റെയും പ്രാധാന്യം അറിയിച്ചാണ് ഇവ നടക്കുന്നത്. കൊവിഡിന്റെ പശ്ചാത്തലത്തിൽ കഴിഞ്ഞ വർഷം ഓൺലൈനായാണ് പരിപാടികൾ സംഘടിപ്പിച്ചത്. ഇത്തവണയും സമാന രീതിയിലായിരിക്കും ഇവ നടക്കുക.
ഇത്തവണത്തെ പ്രമേയം
ഓരോ വർശഷവും ദേശീയ സ്റ്റാറ്റിസ്റ്റിക്സ് ദിനം ആഘോഷിക്കുന്നതിന് പുറമെ ഒരു പ്രമേയവുമുണ്ടായിരിക്കും. Sustainable Development Goal (SDG)- 2 (End Hunger, Achieve Food Security and Improved Nutrition and Promote Sustainable Agriculture) എന്നതാണ് ഈ വർഷത്തെ പ്രമേയം.
വീഡിയോ കോൺഫറൻസിംഗ്
കൊവിഡിന്റെ പശ്ചാത്തലത്തിൽ ഇത്തവണ പ്രധാന പരിപാടികൾ ഓൺലൈനായാണ് സംഘടിപ്പിക്കുന്നത്. നീതി ആയോഗ് ആസ്ഥാനത്ത് നടക്കുന്ന വെബ്കാസ്റ്റിംഗിൽ നിരവധി പ്രമുഖർ പങ്കെടുക്കും.
2020ൽ
കഴിഞ്ഞ വർഷത്തെ ദേശീയ സ്റ്റാറ്റിസ്റ്റിക്സ് ദിനാചരണം സ്റ്റാറ്റിസ്റ്റിക്സ് ആൻഡ് പ്രോഗ്രാം ഇംപ്ലിമെന്റേഷൻ മന്ത്രാലയത്തിന്റെ സ്വതന്ത്ര ചുമതലയുള്ള കേന്ദ്ര സഹമന്ത്രി റാവു ഇന്ദർജിത് സിംഗ് ഉദ്ഘാടനം ചെയ്‌തു. കൊവിഡിന്റെ സാഹചര്യത്തിൽ വീഡിയോ കോൺഫറൻസിംഗിലൂടെ കേന്ദ്ര-സംസ്ഥാന സർക്കാരുകളിലെ മുതിർന്ന ഉദ്യോഗസ്ഥരും മറ്റ് പ്രതിനിധികളും വിവിധ അന്താരാഷ്ട്ര ഏജൻസികളുടെ പ്രതിനിധികളും പരിപാടിയിൽ പങ്കെടുത്തു.
2020ലെ പ്രമേയം
സുസ്ഥിര വികസന ലക്ഷ്യങ്ങൾ മൂന്നും അഞ്ചുമായിരുന്നു 2020ലെ ദേശീയ സ്റ്റാറ്റിസ്റ്റിക്സ് ദിനത്തിന്റെ പ്രമേയം. ആരോഗ്യകരമായ ജീവിതം ഉറപ്പാക്കുക, എല്ലാ പ്രായത്തിലുമുള്ളവരുടെയും ക്ഷേമം ഉറപ്പാക്കുക എന്നതാണ് സുസ്ഥിര വികസന ലക്ഷ്യം -3 അഥവാ സസ്‌റ്റൈനബിൾ ഡെവലപ്മെന്റ് ഗോൾ- 3 (എസ് ഡി ജി-3). ലിംഗസമത്വം കൈവരിക്കുകയും സ്ത്രീകളെയും പെൺകുട്ടികളെയും ശാക്തീകരിക്കുകയും ചെയ്യുക എന്നതാണ് സുസ്ഥിര വികസന ലക്ഷ്യം -5 അഥവാ എസ് ഡി ജി - 5
Also Read: ഫോട്ടോ ജേർണലിസം കോഴ്‌സ്: സ്‌പോട്ട് അഡ്മിഷൻ 30ന് ഓൺലൈനായി
പി.സി മഹലനോബിസ്
ഇന്ത്യൻ സ്റ്റാറ്റിസ്റ്റിക്സിന്റെ പിതാവ് എന്നറിയപ്പെടുന്നത് പ്രൊഫ. പ്രശാന്ത ചന്ദ്ര മഹലനോബിസാണ്. 1893ലായിരുന്നു അദ്ദേഹത്തിന്റെ ജനനം. ഇന്ത്യൻ സാമ്പത്തിക ശാസ്ത്രജ്ഞൻ, ഇന്ത്യൻ സ്റ്റാസ്റ്റിഷ്യൻ എന്നീ നിലകളിലാണ് അദ്ദേഹം ലോകശ്രദ്ധ പിടിച്ചു പറ്റിയത്. ലാർജ് സ്കെയിൽ സർവേകളിൽ പ്രധാന സംഭാവന നൽകി. ആന്ത്രോപോമെട്രി സ്റ്റ്റ്റീസ്, പൈലറ്റ് സർവേ എന്നിവയിൽ അഗ്രഗണ്യനായിരുന്നു.
Also Read: പരീക്ഷയെഴുതാൻ കഴിയാത്ത വിദ്യാർത്ഥികൾക്ക് പ്രത്യേകം പരീക്ഷ നടത്തണം
ആസൂത്രണ കമ്മീഷൻ
1956-61 ആസൂത്രണ കമ്മീഷൻ അംഗമായിരുന്നു മഹലനോബിസ്. രണ്ടാം പഞ്ചവത്സര പദ്ധതിയുടെ ഇൻപുട്ട് ഔട്ട്പുട്ട് മോഡൽ തയ്യാറാക്കിയത് ഇദേഹമായിരുന്നു. ഇത് നെഹ്റു-മഹലനോബിസ് മോഡൽ എന്നറിയിപ്പെടുന്നു. 1931 ഡിസംബറിൽ കൊൽക്കത്തയിൽ ഇന്ത്യൻ സ്റ്റാറ്റിസ്റ്റിക്കൽ ഇൻസ്റ്റിറ്റ്യൂട്ട് സ്ഥാപിച്ചു.