രജിസ്റ്റർ ചെയ്യാൻ
പരീക്ഷാ പെ ചർച്ചയ്ക്ക് രജിസ്റ്റർ ചെയ്യാൻ ആഗ്രിഹിക്കുന്നവർക്ക് innovateindia.mygov.in എന്ന വെബ്സൈറ്റ് സന്ദർശിക്കുക. പ്രധാന മന്ത്രിയോട് പരീക്ഷയുമായി ബന്ധപ്പെട്ട ടിപ്പുകളും ഉപദേശങ്ങളും ചോദ്യങ്ങളുമൊക്കെ വിദ്യാർത്ഥികൾക്ക് ചോദിക്കാനാകും. മാർച്ച് 14 ആണ് രജിസ്റ്റർ ചെയ്യാനുള്ള അവസാന തീയതി.
മത്സരം
9 മുതൽ 12 വരെ ക്ലാസുകളിൽ പഠിക്കുന്ന വിദ്യാർത്ഥികൾക്ക് പരിക്ഷ പെ ചാർ‌ച്ച 2021 മത്സരത്തിൽ ഏതെങ്കിലും തീമുകൾ‌ക്ക് അവരുടെ പ്രതികരണങ്ങൾ സമർപ്പിച്ചുകൊണ്ട് പങ്കെടുക്കാൻ കഴിയും. മത്സര വിജയികൾക്ക് പരിക്ഷ പെ ചർച്ച 2021 ൽ നേരിട്ട് പങ്കെടുക്കാൻ അവസരം ലഭിക്കും. പരിപാടി ഈ വർഷം ഓൺലൈനായിട്ടായിരിക്കും നടത്തുക.
സമ്മാനം
വിജയികൾക്ക് പ്രത്യേകം രൂപകൽപ്പന ചെയ്ത സർട്ടിഫിക്കറ്റുകളും പരിക്ഷ പെ ചർച്ച കിറ്റുകളും ലഭിക്കും. വിജയികളിൽ നിന്നുള്ള ഒരു ചെറിയ കൂട്ടം വിദ്യാർത്ഥികൾക്ക് പ്രധാനമന്ത്രി മോദിയുമായി നേരിട്ട് സംവദിക്കാനും ചോദ്യങ്ങൾ ചോദിക്കാനും അവസരം ലഭിക്കുമെന്ന് ഔദ്യോഗിക പ്രസ്താവനയിൽ പറയുന്നു. ഈ പ്രത്യേക വിജയികൾക്ക് പ്രധാനമന്ത്രിക്കൊപ്പം അവരുടെ ഓട്ടോഗ്രാഫ് ചെയ്ത ഫോട്ടോയുടെ ഡിജിറ്റൽ സുവനീർ ലഭിക്കും.
തുടങ്ങിയത് 2018ൽ
പ്രധാനമന്ത്രിയുടെ സ്കൂൾ, കോളേജ് വിദ്യാർത്ഥികളുമായുള്ള ആശയവിനിമയ പരിപാടിയുടെ ആദ്യ പതിപ്പ് ‘പരിക്ഷ പെ ചർച്ച 1.0’ 2018 ഫെബ്രുവരി 16 ന് ടോക്കറ്റോറ സ്റ്റേഡിയത്തിൽ നടന്നു. ഇത് പരിപാടിയുടെ നാലാമത്തെ പതിപ്പായിരിക്കും.
Also Read: നീറ്റ് 2021 ഒന്നിലധികം തവണ നടത്തുമോ? ഔദ്യോഗിക അറിയിപ്പ് ഉടൻ വരും
മോദിയുടെ വാക്കുകൾ
പരീക്ഷ പെ ചർച്ച തന്റെ ഹൃദയത്തോട് ഏറ്റവും അടുത്തുള്ള പരിപാടിയാണെന്ന് പ്രധാനമന്ത്രി നരേന്ദ്ര മോദി കഴിഞ്ഞ വർഷത്തെ പരിപാടിയിൽ പറഞ്ഞു. രാജ്യത്തുടനീളമുള്ള ആയിരക്കണക്കിന് സ്കൂളുകൾ ഇതിൽ പങ്കെടുക്കുന്നു. രാജ്യത്തെ യുവാക്കൾ എങ്ങനെ ചിന്തിക്കുന്നുവെന്നും അവർ എന്താണ് ചെയ്യുന്നതെന്നും ഇതിലൂടെ ഒരു ധാരണയ ലഭിക്കുമെന്നും അദ്ദേഹം പറഞ്ഞു.