സ്ത്രീ ഉദ്യോഗാര്‍ത്ഥികള്‍ക്കായി വാക്ക്-ഇന്‍-ഇന്റര്‍വ്യൂ

സാമൂഹ്യ നീതി വകുപ്പിന്റെ നിയന്ത്രണത്തില്‍ കേരള മഹിളാ സമഖ്യ സെസൈറ്റി നടപ്പിലാക്കുന്ന നിര്‍ഭയ ഷെല്‍ട്ടര്‍ ഹോമുകളിലേക്ക് വിവിധ തസ്തികകളില്‍ വാക്ക്-ഇന്‍-ഇന്റര്‍വ്യൂ നടത്തുന്നു. ഒക്ടോബര്‍ 28 ന് രാവിലെ 11 ന് കരമന കുഞ്ചാലുംമൂടുള്ള സംസ്ഥാന ഓഫീസിലാണ് അഭിമുഖം. സാമൂഹ്യ സേവനത്തില്‍ തത്പരരായ സ്ത്രീ ഉദ്യോഗാര്‍ത്ഥികള്‍ക്ക് അപേക്ഷിക്കാം.

ഒരു വര്‍ഷത്തെ കരാര്‍ അടിസ്ഥാനത്തിലാണ് നിയമനം. ഹോം മാനേജര്‍, ഫുള്‍ടൈം റസിഡന്റ് വാര്‍ഡന്‍, സോഷ്യല്‍ വര്‍ക്കര്‍/കേസ് വര്‍ക്കര്‍, ഫീല്‍ഡ് വര്‍ക്കര്‍, ക്ലിനിക്കല്‍ സൈക്കോളജിസ്റ്റ് (പാര്‍ട്ട്‌ടൈം), അസിസ്റ്റന്റ് കെയര്‍ ടേക്കര്‍, അസിസ്റ്റന്റ് കുക്ക് എന്നീ തസ്തികകളിലേക്കാണ് അഭിമുഖം. കൂടുതല്‍ വിവരങ്ങള്‍ക്ക് ഫോണ്‍ : 0471 - 2913212, വെബ്‌സൈറ്റ് : www.keralasamakhya.org.