യുവജന കമ്മീഷനില്‍ അഭിമുഖം 10 ന്

സംസ്ഥാന യുവജന കമ്മീഷനില്‍ ഒഴിവുകളിലേക്കുളള അഭിമുഖം നവംബര്‍ 10 ന്. കമ്മീഷന്റെ ജോബ് പോര്‍ട്ടലില്‍ വെബ് അഡ്മിനിസ്‌ട്രേറ്ററുടെ ഒഴിവാണ് ഉള്ളത്. കമ്മീഷന്റെ വികാസ് ഭവനിലുളള ഓഫീസില്‍ വെച്ചാണ് അഭിമുഖം.

സന്നദ്ധ പ്രവര്‍ത്തകരുടെ മൂന്ന് ഒഴിവുകള്‍ പത്തനംതിട്ട ജില്ലയിലാണ്. സന്നദ്ധ പ്രവര്‍ത്തകരുടെ പ്രവര്‍ത്തനങ്ങള്‍ ഏകോപിപ്പിക്കുന്നതിനുളള സ്റ്റേറ്റ് കോ-ഓര്‍ഡിനേറ്റര്‍മാരുടെ രണ്ട് ഒഴിവുകളുണ്ട്. സാമൂഹിക പ്രവര്‍ത്തനങ്ങളില്‍ താത്പര്യമുളള, 18 നും 40 നും ഇടയില്‍ പ്രായമുളള ബിരുദധാരികള്‍ക്ക് അപേക്ഷിക്കാം.

പാസ്‌പോര്‍ട്ട് സൈസ് ഫോട്ടോ പതിപ്പിച്ച (അപേക്ഷകളുടെ പകര്‍പ്പ് ഉള്‍പ്പെടെ) യോഗ്യതാ സര്‍ട്ടിഫിക്കറ്റുകളുടെ അസല്‍ സഹിതം നവംബര്‍ 10 ന് ഉച്ചയ്ക്ക് രണ്ടിന് അഭിമുഖത്തിന് ഹാജരാകണം.

വെബ് അഡ്മിനിസ്‌ട്രേറ്റര്‍ തസ്തികയിലേക്കുളള അഭിമുഖം നവംബര്‍ 10 ന് രാവിലെ 11 നാണ്. യോഗ്യത: ബി.ടെക്/ബി.സി.എ, വെബ് ഡിസൈനിംഗില്‍ പരിജ്ഞാനം. കോ-ഓര്‍ഡിനേറ്റര്‍ക്ക് 11, 000 രൂപയും വെബ് അഡ്മിനിസ്‌ട്രേറ്റര്‍ക്ക് 12,000 രൂപയും ഓണറേറിയം ലഭിക്കും.