ന്യൂഡൽഹി: സംസ്ഥാന സര്ക്കാരിന്റെ ഡൽഹിയിലെ പ്രത്യേക പ്രതിനിധി പദവിയിൽ നിന്നും എ സമ്പത്ത് ഒഴിയുന്നുവെന്ന് റിപ്പോർട്ട്. മനോരമ ന്യൂസാണ് ഇത്തരത്തിൽ ഒരു വാര്ത്ത റിപ്പോര്ട്ട് ചെയ്തിരിക്കുന്നത്.
Also Read : 'സ്ത്രീകളെ മത്സരിപ്പിക്കണ്ടേതില്ല, മറിച്ചാണ് തീരുമാനിക്കുന്നതെങ്കിൽ ഫലം എന്താവുമെന്ന് കാണണം'; ലീഗിനെ വെട്ടിലാക്കി സമസ്ത
എ കെ ജി സെന്ററിലെത്തി തീരുമാനം പാര്ട്ടി നേതൃത്വത്തെ അറിയിച്ചതായാണ് റിപ്പോർട്ട്. തെരഞ്ഞെടുപ്പ് പ്രഖ്യാപിക്കുകയും സ്ഥാനാര്ത്ഥി നിര്ണയത്തിലേക്ക് സിപിഎം കടക്കാൻ ഒരുങ്ങുകയും ചെയ്യുന്ന ഘട്ടത്തിലാണ് സമ്പത്ത് സ്ഥാനം ഒഴിഞ്ഞിരിക്കുന്നത്. ഇതോടെ, നിയമസഭയിലേക്ക് മത്സരിക്കുന്നതിന് വേണ്ടിയാണ് രാജി വയ്ക്കുന്നത് എന്ന സൂചനകളും ഉയരുന്നുണ്ട്.
ലോകസഭാ തെരഞ്ഞെടുപ്പിൽ തോറ്റ സമ്പത്തിനെ ക്യാബിനറ്റ് പദവിയിൽ ഡൽഹിയിൽ നിയമിച്ചത് വലിയ രാഷ്ട്രീയ വിവാദങ്ങള്ക്ക് ഇടവെച്ചിരുന്നു.
അതേസമയം, ലോക്സഭ തെരഞ്ഞെടുപ്പിൽ മത്സരിച്ച് പരാജയപ്പെട്ടവരെ നിയമസഭയിലേയ്ക്ക് മത്സരിപ്പിക്കേണ്ടതില്ലെന്ന് സിപിഎം സംസ്ഥാന സമിതി തീരുമാനിച്ചിരുന്നു. എന്നാൽ, സമ്പത്തിന്റെ വരവോടെ സിപിഎം നിലപാട് മാറ്റുമോ എന്നാണ് കണ്ടറിയേണ്ടത്.
Also Read : കിടപ്പറ പങ്കിടും ഒപ്പം ഒന്നര ലക്ഷം രൂപയും തരും; ലക്ഷ്യം കാമുകനെ വകവരുത്തൽ
ആറ്റിങ്ങൽ മണ്ഡലത്തിലേക്ക് ആകും സമ്പത്തിനെ പരിഗണിക്കുക. ഇതേ ലോക്സഭാ മണ്ഡലത്തിൽ നിന്നുമാണ് സമ്പത്ത് പരാജയപ്പെട്ടത്. എന്നാൽ, പ്രതിനിധി സ്ഥാനം ഒഴിയുന്നതോടെ സമ്പത്ത് സംസ്ഥാന രാഷ്ട്രീയത്തിലേയ്ക്ക് മടങ്ങിയെത്തുകയാണെന്നാണ് സൂചന.