ബെംഗലൂരു: തെരഞ്ഞെടുപ്പ് പ്രചാരണത്തിനിടെ ശരീരത്തിൽ കയറി പിടിച്ചയാളുടെ കരണത്തടിച്ച് കോൺഗ്രസ് നേതാവും നടിയുമായ ഖുശ്ബു. ഇന്ദിരാനഗറിൽ കോൺഗ്രസ് - ജെഡിഎസ് സ്ഥാനാർഥിക്ക് വേണ്ടി പ്രചാരണം നടത്തുന്നതിനിടെയാണ് സംഭവം. പ്രചാരണശേഷം കാറിൽ കയറി ഖുശ്ബു മടങ്ങാനൊരുങ്ങുമ്പോഴാണ് ഒരാൾ ശരീരത്തിൽ സ്പർശിച്ചത്. ഉടൻ തന്നെ ഖുശ്ബു അയാളുടെ കരണത്തടിച്ചു. ഖുശ്ബു തന്നോട് മോശമായിട്ട് പെരുമാറിയ ആളെ അടിക്കുന്ന ദൃശ്യങ്ങൾ സാമൂഹ്യമാധ്യമങ്ങളിൽ ഏറെ ചർച്ചയായിരിക്കുകയാണ്.
പിന്നിൽ നടന്ന ആൾ രണ്ടു തവണ ശരീരത്തിൽ സ്പർശിച്ചുവെന്ന് ഖുശ്ബു പറഞ്ഞു. ശാന്തിനഗർ എംഎൽഎ എൻ.എ ഹാരിസ്, ബെംഗലൂരു സെൻട്രലിലെ കോൺഗ്രസ് സ്ഥാനാർഥി റിസ്വാൻ അർഷദ് എന്നിവർ ഖുശ്ബുവിനൊപ്പം ഉണ്ടായിരുന്നു. ഉടൻ തന്നെ അക്രമിയെ പോലീസ് സ്ഥലത്ത് നിന്ന് മാറ്റി.
പിന്നിൽ നടന്ന ആൾ രണ്ടു തവണ ശരീരത്തിൽ സ്പർശിച്ചുവെന്ന് ഖുശ്ബു പറഞ്ഞു. ശാന്തിനഗർ എംഎൽഎ എൻ.എ ഹാരിസ്, ബെംഗലൂരു സെൻട്രലിലെ കോൺഗ്രസ് സ്ഥാനാർഥി റിസ്വാൻ അർഷദ് എന്നിവർ ഖുശ്ബുവിനൊപ്പം ഉണ്ടായിരുന്നു. ഉടൻ തന്നെ അക്രമിയെ പോലീസ് സ്ഥലത്ത് നിന്ന് മാറ്റി.